ადვოკატის ცნობით, გვარამია მარნეულის იზოლატორში გადაიყვანეს

ნიკა გვარამიას ადვოკატის, დიმიტრი საძაგლიშვილის განცხადებით, ნიკა გვარამია, რომელიც პოლიციამ პარტია „ახალის“ ოფისის ჩხრეკისას დააკავა, მარნეულის იზოლატორშია გადაყვანილი.

„ჩემთვის ცნობილი გახდა, რომ ნიკა გვარამია გადაიყვანეს მარნეულის იზოლატორში. მივალთ მარნეულის იზოლატორში და შევეცდებით, მოვინახულოთ. ამის შესახებ უკვე გვეცოდინება მეტი დეტალები, როგორც მის ჯანმრთელობის მდგომარეობაზე, ისე საქმესთან დაკავშირებით“, — აცხადებს იგი.

ჩხრეკისას, გვარამია პოლიციელებს სთხოვდა, შეეჩერებინათ ჩხრეკა და მიეცათ ოფისში შესვლისა და პროცესზე დასწრების უფლება, თუმცა ამის შესაძლებლობა არ მისცეს. სიტყვიერი შელაპარაკების შემდეგ, პოლიციამ ძალის გამოყენებით სცადა გვარამიას ტერიტორიიდან გაყვანა. ფიზიკური დაპირისპირების დროს გვარამიამ, სავარაუდოდ, გონება დაკარგა.