"ასე მოქცევა როგორ შეიძლება?!" - ცნობილი ნეაპოლელი მზარეული ხვიჩა კვარაცხელიას აკრიტიკებს

როგორც ანტონიო კონტემ თქვა, ხვიჩა კვარაცხელიას ნაპოლის დატოვება ახლავე, დაუყოვნებლივ სურს, მის შეძენასთან კი ყველაზე ახლოს პარი სენ-ჟერმენია.

ამ ფაქტს ეხმაურება ცნობილი ნეაპოლელი მზარეული, ერიკო პორციო, რომელიც ქართველ ფეხბურთელს ამავე გადაწყვეტილების მიღების გამო აკრიტიკებს.

ასე მოქცევა როგორ შეიძლება?! გუნდი ჩემპიონატში პირველ ადგილზეა, სკუდეტოსთვის იბრძვის, ნახევარი სეზონი გასულია და ლიდერი წასვლას ითხოვს?!

რა თქმა უნდა, ხვიჩა პატიმარი არ არის და იქ ითამაშებს, სადაც მოისურვებს, თუმცა ასეთ დროს გუნდსა და ქალაქზეც უნდა იფიქრო.