ბითაძეს ორმაგ დუბლამდე 2 ქულა დააკლდა | მამუკელაშვილი 3 ქულას დასჯერდა

საქართველოს ნაკრების ცენტრის, გოგა ბითაძის „ორლანდო მეჯიქმა“ „ნიუ იორკ ნიქსს“ უმასპინძლა და თანაბარ ბრძოლაში 91:100 დამარცხდა. ქართველი ცენტრი სასტარტო ხუთეულში იყო და 25 წუთში 11 მოხსნა, 8 ქულა და 3 დაფარება მოაგროვა. „ორლანდოს“ ვერც მორიც ვაგნერის 32-მა ქულამ უშველა.

„ნიუ იორკში“ გამორჩეული იყო კარლ-ენტონი თაუნსი – 22 ქულა, 22 მოხსნა. „მეჯიქს“ 17 მოგება, 11 წაგება აქვს და აღმოსავლეთის კონფერენციაში მეოთხე ადგილზეა. მომდევნო მატჩს 20 დეკემბერს შინ „ოკლაჰომასთან“ გამართავს.

„სან ანტონიო“-„მინესოტას“ მატჩში 8 წუთი ითამაშა სანდრო მამუკელაშვილმა, რომელმაც მატჩი 3 ქულითა (3-დან 1 სამიანი) და თითო მოხსნა-პასით დაასრულა.

„სან ანტონიო სპურსმა“ კი „ტიმბერვულვზთან“ 92:106 დათმო.

დასავლეთის კონფერენციაში 13-13 მოგება-წაგებით „სპურსი“ მეთერთმეტე ადგილზეა. მომდევნო მატჩი 20 დეკემბერს „ატლანტასთან“ ელის.