გაირკვა - როდის დაუბრუნდება დავიდ ალაბა "რეალს"

მადრიდის "რეალის" მთავარმა მწვრთნელმა, კარლო ანჩელოტიმ, დავიდ ალაბას გამოჯანმრთელების შესახებ ახალი ამბები გაავრცელა. ცნობილია ავსტრიელი მცველის დაბრუნების თარიღიც.

"დავიდი გუნდთან ერთად ვარჯიშს სულ მალე, 30 დეკემბერს განაახლებს. უშუალოდ მატჩებში მონაწილეობას კი ის იანვრის შუა რიცხვებში თავისუფლად შეძლებს. ეს ბრწყინვალე ამბავია, ვინაიდან, მისი ფორმაში ყოფნა ახლა ჩვენ ყველას ძალიან გვჭირდება."

ანჩელოტიმ აგრეთვე დაადასტურა, რომ კლუბი ალაბას სიტუაციას ფრთხილ ეკიდება და მისი მოედანზე დაბრუნებას არ ჩქარობს. ეს კი სწორედ იმ მძიმე ტრავმის გამოა, რომელიც მან ჯერ კიდევ 2023 წლის დეკემბერში მიიღო. 

შეგახსენებთ, რომ 32 წლის ავსტრიელი მცველი უკვე 380 დღეა გუნდს ვერ ეხმარება. მისი კონტრაქტი კი "თეთრებთან" 2026 წლის ზაფხულში იწურება.