გზების გასაწმენდად დამატებითი ტექნიკა დავიქირავეთ – ხაშურის მერია

ხაშურის მუნიციპალიტეტში დიდთოვლობის გამო გზებზე გადაადგილება შეფერხებულია, – როგორც ხაშურის მერიაში აცხადებენ, გზების გაწმენდა ინტენსიურად მიმდინარეობს. 

უწყების ცნობით, სამუშაოებისთვის დამატებითი ტექნიკაც დაიქირავეს. 

“მობილიზებულია ა(ა)იპ ხაშურსერვისის ტექნიკა. მუნიციპალიტეტმა სამუშაოების შესასრულებლად დამატებითი ტექნიკაც დაიქირავა. ინტენსიურად იწმინდება მუნიციპალიტეტის სოფლებში მისასვლელი გზები. გზების გაწმენდა ამ დრომდე მიმდინარეობს. მუნიციპალიტეტი საქმის კურსშია როგორც ქალაქ ხაშურში, ისე სურამსა და მუნიციპალიტეტის სოფლებში გზებზე არსებულ  ვითარებასთან დაკავშირებით და სამუშაოები ყველა საჭირო ლოკაციაზე ჩატარდება”, – აცხადებენ ხაშურის მერიაში.