„დანია და პარტნიორები კონკრეტულ ზომებზე მუშაობენ“ — დანიის საგარეო საქართველოზე

დანიის საგარეო საქმეთა მინისტრი, ლარს ლოკე რასმუსენი ამბობს, რომ საერთაშორისო საზოგადოების მოქმედებაა საჭირო საქართველოში ძალადობის შესაჩერებლად.

„საერთაშორისო მოქმედება სწრაფადაა საჭირო, რათა შეჩერდეს სასტიკი ძალადობა ქართველი მომიტინგეებისა და ჟურნალისტების წინააღმდეგ. დაუსჯელობა უნდა დასრულდეს, დამნაშავეებმა კი პასუხი აგონ. დანია, პარტნიორებთან ერთად, მუშაობს კონკრეტულ ზომებზე“, — ნათქვამია მის განცხადებაში.

28 ნოემბრიდან ასობით ათასი ადამიანი გამოდის თბილისში და საქართველოს სხვა ქალაქებში. დემონსტრაციები, როგორც წესი, ძალადობრივად ირბევა გამთენიისას. დაკავებულია და სასტიკად ნაცემი ასობით ადამიანი, მათ შორის, მედიის წარმომადგენლები, სახელოვნებო სივრცის წარმომადგენლები. არაიდენტიფიცირებადი პირები ჯგუფურად თავს ესხმიან ქუჩებში მოქალაქეებსა და მედიის წარმომადგენლებს.

მასობრივი პროტესტი მოჰყვა ირაკლი კობახიძის 28 ნოემბრის განცხადებას, რომ 2028 წლის ბოლომდე ევროკავშირთან გაწევრიანების მოლაპარაკებების დაწყების საკითხის დღის წესრიგიდან მოხსნის შესახებ.