დიდი ქამბექი შედგა - "დერბი დელა მადონინამ" იტალიის სუპერთასის გამარჯვებული გამოავლინა

იტალიის სუპერთასის ფინალში გულშემატკივარმა, საუდის არაბეთში გამართული "დერბი დე ლა მადონინა" იხილა.

დაპირისპირება საკმაოდ სანახაობრივი და დრამატული გამოდგა, სადაც გამარჯვება კონსეისაუს გუნდმა მოიპოვა.

თავდაპირველად, ინძაგის გუნდი 2:0-საც იგებდა, თუმცა "როსონერიმ" დაამტკიცა, რომ შეუძლებელი არაფერია და თამაში "დააქამბექა".

52-ე წუთზე ტეო ერნანდესმა სხვაობა მინიმუმამდე შეამცირა, მე-80 წუთზე კი კრისტიან პულისიჩმა წონასწორობა აღადგინა. გამარჯვების გოლი შეხვედრის მიწურულს, მსაჯის მიერ დამატებულ მე-3 წუთზე ტამი აბრაჰამმა გაიტანა და „მილანს“ ისტორიაში სუპერთასის მე-8 ტიტული მოაგებინა.