ევროინტეგრაცია და დემოკრატია საქართველოში 2024 წლის მოვლენების ფონზე

ლიკა მზარეულიშვილი

2024 წელი საქართველოსთვის მნიშვნელოვანი ეტაპია ევროინტეგრაციისა და დემოკრატიის განვითარების გზაზე. ბოლო წლები სერიოზულ გამოწვევებს და საკვანძო გადაწყვეტილებებს მოიცავს, რომელთაც პირდაპირი გავლენა აქვთ ქვეყნის მომავალზე. როგორც ევროინტეგრაციის გზაზე წამყვანი სახელმწიფოს პოზიციაზე, საქართველო მუდმივად ეძებს ახალ გზებს იმისთვის, რომ დააჩქაროს ის პროცესი, რაც მას ევროკავშირში სრულფასოვან წევრობამდე მიიყვანს. თუმცა, ამ პროცესში ხშირად ჩანს საპროტესტო სიგნალები, პოლიტიკური კრიზისები და დემოკრატიული ინსტიტუტების გაძლიერების საჭიროება.

ევროინტეგრაცია და გამოწვევები

საქართველო ევროკავშირში გაწევრიანებისთვის უკვე წლები ისწრაფვის. 2024 წლის მდგომარეობით, ქვეყანა ოფიციალურად უახლოესი პარტნიორის სტატუსით მიიჩნეოდა ევროკავშირთან, თუმცა სრული წევრობის მიღწევას ჯერ კიდევ სჭირდება გარკვეული მუხრუჭების გადალახვა, განსაკუთრებით ბოლო პ[ერიოდში განვითარებული პროცესების შემდეგ. გამოწვევები მომდინარეობს როგორც პოლიტიკური, ისე ეკონომიკური და ინსტიტუციონალური სფეროებიდან.

საქართველომ 2024 წლისთვის ძირითადი სამოქმედო გეგმები განავითარა, რაც ევროინტეგრაციისთვის აუცილებელ რეფორმებს მოიცავდა. თუმცა, ერთ-ერთი ყველაზე მნიშვნელოვანი საკითხი, რომელიც კვლავ პრობლემად რჩება,  ქვეყნის შიდა პოლიტიკურ კლიმატთან დაკავშირებული გამოწვევებია. პოლიტიკური პოლარიზაცია, სასამართლო სისტემის დამოუკიდებლობა, მედიათავისუფლება და ადამიანის უფლებების დაცვა. ეს ყველაფერი კი სერიოზულ გავლენას ახდენენ საქართველოს ევროინტეგრაციის პროცესზე.

გამოწვევები დემოკრატიის გზაზე

დემოკრატიის განვითარება საქართველოში, როგორც ფორმალურად, ასევე რეალურად, არ არის ხანგრძლივი და უწყვეტი. 2024 წლისთვის ქვეყანაში კიდევ ბევრი საკითხია გადასაჭრელი, მათ შორის სასამართლო რეფორმა, პოლიტიკური ტოლერანტობა და სამოქალაქო საზოგადოების თავისუფლება. მიუხედავად იმისა, რომ საქართველო ხშირად აღინიშნებოდა, როგორც ერთ-ერთი წარმატებული ქვეყანა დემოკრატიის განვითარების პროცესში საბჭოთა პერიოდის შემდეგ, დღესდღეობის ამ პროცესმა მმართველი გუნდის ქმედებების გამო, მნიშვნელოვანი უკუსვლა განიცადა.

ამჟამად, საქართველოს პოლიტიკური სისტემის დემოკრატიულობის ხარისხი სერიოზული კითხვის ნიშნის ქვეშ დგას, ისევე როგორც მისი მომავალი გეოპოლიტიკური თვალსაზრისით.

პარლამენტის შიდა საქმიანობა, პოლიტიკური პარტიების მუშაობა და ხელისუფლების გადანაწილების მექანიზმები ხშირად ხდება კონფლიქტებისა და კრიზისების მიზეზი. პოლიტიკური ოპონენტები და არა მხოლოდ.. ხელისუფლებას ბოლო წლებში ხშირად ადანაშაულებენ  დემოკრატიული ინსტიტუტების ხელყოფაში, რაც საზოგადოებაში უნდობლობას იწვევს.

2024 წლის პოლიტიკური და ეკონომიკური სიტუაცია

2024 წელი საქართველოსთვის პოლიტიკური და ეკონომიკური თვალსაზრისით კრიზისული პერიოდი აღმოჩნდა. ქვეყანას შესწევს დიდი პოტენციალი, რომ განახორციელოს კურსი ევროკავშირის ეკონომიკურ და პოლიტიკურ სტანდარტებთან უფრო ახლოს მისაყვანად, თუმცა რთული პოლიტიკური ვითარება და მოლაპარაკების პროცესის დაპაუზება ევროკავშირთან ბევრ სირთულეს უქმნის საქართველოს და მის მოქალაქეებს.

წელს, ძირითადად, ყურადღება გამახვილდა დემოკრატიის ხარისხსა და ქვეყანაში მიმდინარე მმართველობის სტანდარტებზე. განსაკუთრებით აქტუალური იყო მედია თავისუფლების საკითხი, რომელზეც სისტემატური შანტაჟი, თავდასხმა და საქმიანობაში ხელის შეშლა ადასტურებდა.

მზარდი საზოგადოებრივი მოთხოვნები და პერსპექტივები

მიუხედავად ყველა გამოწვევისა, 2024 წლის ბოლოსკენ  საქართველოში საოზოგადოების მოთხოვნა უკავშირდება დემოკრატიული პროცესების შენარჩუნება-განვითარებას და ევროკავშირთან ინტეგრაციას.

როგორც საქართველოს ევროპულმა ინტეგრაციამ, ისე ქვეყნის შიდა პოლიტიკური პროცესების დარეგულირებამ უნდა უზრუნველყოს არამხოლოდ სამართლებრივი ნორმების დაცვა, არამედ მოქალაქეთა უფლებების და მმართველობის გამჭვირვალობის გაუმჯობესება.

ამიტომ, საქართველოს მოქალაქეების მოთხოვნები, უკეთეს ცხოვრებასთან ერთად მიმართულია დამოუკიდებელი და დემოკრატიული ინსტიტუტების შექმნისკენ. ისინი მოითხოვენ ეფექტურ, სამართლიან და გამჭვირვალე პოლიტიკურ პროცესებს, რომელიც ხელს შეუწყობს არა მხოლოდ ევროპულ, არამედ საქართველოს შიდა დემოკრატიული სისტემის განვითარებას.

ამ პროცესებში მნიშვნელოვანი როლი შეიძლება ითამაშოს სამოქალაქო საზოგადოებამ, არასამთავრობო ორგანიზაციებმა და ევროკავშირის მხარდაჭერამ. საჭიროა მუდმივი დიალოგი და რეფორმების შემოღება, რომლებიც უზრუნველყოფენ ქვეყნის სტაბილურობას, დემოკრატიული ინსტიტუტების გაძლიერებას და ყველა მოქალაქისთვის თანასწორ უფლებებს. მხოლოდ ამ პირობებში შეძლებს საქართველომ დაიკავოს თავისი ადგილი ევროპულ ოჯახში.

მიუხედავად განვითარებული პროცესებისა,ქვეყნის გრძელვადიანი სტრატეგიები, მოქალაქეების აქტიურობა და საერთაშორისო პარტნიორების მხარდაჭერა შესაძლებელს გახდის სასურველი მიზნის მიღწევას, რასაც საქართვლოს დემოკრატიის განმტკიცება და ევროინტეგრაცია ჰქვია.

^{სტატია მომზადებულია დანიის სამეფოს “ახალი დემოკრატიის ფონდის” მიერ მხარდაჭერილი პროექტის ფარგლებში}