ვიდეო: "სანამ საქართველოში ვიმყოფები..." - ნუცა ბუზალაძის კომენტარი კონცერტის შემდეგ

მომღერალმა, ნუცა ბუზალაძემ ახალციხეში გამართულ საახალწლო კონცერტზე იმღერა.

"კიდევ ერთხელ გილოცავთ ყველას დამდეგ შობა-ახალ წელს! მიყვარხართ, სანამ საქართველოში ვიმყოფები 5 იანვრამდე კიდევ 6 ქალაქში გესტუმრებით! თარიღებს მალე დავდებ" - წერს ნუცა ბუზალაძე სოციალურ ქსელში და კონცერტიდან ვიდეოს აქვეყნებს.

რამდენიმე დღით ადრე ნუცა ბუზალაძემ სოციალურ ქსელში დაწერა, რომ ქვეყანაში არსებული მდგომარეობის გამო ნიუ იორკში დაგეგმილი კონცერტი გააუქმა:

"ძალიან რთულია, როცა შენს სამშობლოში დაძაბული მდგომარეობაა, გამონახო ძალა სცენაზე მაყურებლის წინაშე წარსადგენად, ამიტომ 14 დეკემბერს დაგეგმილ კონცერტზე New york ში, მე აღარ მივიღებ მონაწილეობას. ჩემს თანამემამულეებს ვუსურვებ პირველ რიგში მშვიდობას და ევროპისკენ ღირსეულ წინსვლას! მიყვარხართ და მიყვარს ჩემი საქართველო" – წერს ნუცა.