"თუ მახაჩევთან ჩხუბი უნდა, ჯერ ეს უნდა გააკეთოს" - ხაბიბმა ილია თოფურიაზე ისაუბრა

მოგეხსენებათ, UFC-ის ორგზის ჩემპიონს წონის შეცვლა და ისლამ მახაჩევთან დაპირისპირება სურს - ქართველმა აღნიშნული არაერთ ინტერვიუში დაადასტურა, თუმცა, დაღესტანელი მებრძოლი ბრძოლას არ თანხმდება.

ამაზე კომენტარი ლეგენდარულმა მებრძოლმა და ისლამის ახლო მეგობარმა, ხაბიბ ნურმაგომედოვმაც გააკეთა.

"ილია თოფურია ისლამ მახაჩევთან ბრძოლას არ იმსახურებს. ეს ბრძოლა მაშინ შედგება თუ ის ოლივეირას ან პორიეს დაამარცხებს.", - განაცხადა ხაბიბმა.

შეგახსენებთ, ისლამი საჩემპიონო ქამრის დაცვაში 18 იანვარს არმან ცარუკიანს დაუპირისპირდება.