"თქვენო აღმატებულებავ, საქართველოს მხედართმთავარო..." სტუ-ს რექტორი ყაველაშვილს გაპრეზიდენტებას ულოცავს

საქართველოს ტექნიკური უნივერსიტეტის რექტორი, დავით გურგენიძე "ქართული ოცნების" ახლად არჩეულ პრეზიდენტს, მიხეილ ყაველაშვილს გაპრეზიდენტებას ულოცავს:

"თქვენო აღმატებულებავ, საქართველოს ტექნიკური უნივერსიტეტის საზოგადოების სახელით, გულითადად გილოცავთ საქართველოს პრეზიდენტად არჩევას. მსოფლიოში მიმდინარე გლობალური პროცესების ფონზე, უძველესი ისტორიისა და ტრადიციების მქონე ქვეყნის, საქართველოს, მოსახლეობა იმედით გიყურებთ, რომ ამ რთულ პროცესში, თქვენ, საქართველოს მხედართმთავარი, უდიდეს წვლილს შეიტანთ ჩვენი სამშობლოს უსაფრთხოების, გამთლიანებისა და ეკონომიკური ზრდის პროცესში. ღრმად გვწამს, რომ საქართველოს ევროპისკენ მიმავალ გზაზე ქართველი ერი მხოლოდ მშვიდობით, ღირსებით, კეთილდღეობით ივლის. გილოცავთ და გისურვებთ ღირსეულად ემსახუროთ ჩვენს ქვეყანას და ხალხს" - დავით გურგენიძე.