ირანში სახელმწიფო უწყებები და სკოლები დაიხურა დაბალი ტემპერატურის და საწვავი აირის დეფიციტის გამო

ირანის ჩრდილოეთ რეგიონებში ბოლო დღეებში ტემპერატურის მკვეთრ, მინუს -20°C-მდე დაცემას მოჰყვა შეფერხება საწვავი აირის მიწოდებაში.

ხელისუფლება იძულებული გახდა 16 დეკემბრიდან დაეხურა სახელმწიფო ოფისები და სკოლები გადაეყვანა ონლაინ სწავლებაზე.

გასულ კვირაში ირანის პრეზიდენტმა, მასუდ ფეზეშკიანმა მოსახლეობას მოუწოდა, ბინებში ტემპერატურა ორი გრადუსით შეამცირონ და დაზოგონ ენერგია.
მსგავსი მოწოდებით ინტერნეტში გამოვიდნენ სხვა პოლიტიკოსებიც.

ირანი მსოფლიოში გაზის რესურსების მეორე უდიდესი მფლობელია, მაგრამ მისი მოძველებული ინფრასტრუქტურა, განსაკუთრებით, ზამთრის პერიოდში ვერ აუდის საწვავზე მოთხოვნას.