მისი შეძენა "ნაპოლიდანვე" სურდათ - "პსჟ" ოსიმენს საბოლოოდ გაიფორმებს?

"პარი სენ-ჟერმენის" ესპანელმა თავკაცმა ლუის ენრიკემ კლუბის შემადგენლობაში ცვლილებების განხორციელება და შემტევ ხაზში ვიქტორ ოსიმენის მიყვანა მოითხოვა, იუწყება ფრანგული მედია.

შეგახსენებთ, რომ ნიგერიელი თავდამსხმელი "ნაპოლის" ფეხბურთელია, თუმცა იჯარის წესით თურქულ "გალათასარაიში" ასპარეზობს და 8 მატჩში 6 გოლსა და 3 საგოლე გადაცემას ითვლის.

ოსიმენისადმი ინტერესს "პსჟ-ის" გარდა სხვადასხვა დროს ასევე გამოხატავდნენ "ჩელსი" და არაბული სამყაროს კლუბებიც.