მძიმე დღეები დეკემბერში – მაგნიტური ქარიშხლების კალენდარი

მეცნიერთა წინასწარი შეფასებით, გეომაგნიტური აქტივობის თვალსაზრისით ზამთრის პირველი თვე საკმაოდ მშვიდი იქნება. თუმცა რამდენიმე არახელსაყრელი დღე მაინც არის მოსალოდნელი.

მაგნიტური ქარიშხლის კალენდარი 2024 წლის დეკემბერში

1-ელ დეკემბერს, დიდი ალბათობით, ძლიერი მაგნიტური ქარიშხალია მოსალოდნელი, რომელიც მეორე დღეს შესუსტდება და 3 დეკემბერს ჩაცხრება;

6-7 დეკემბერს მეცნიერები საშუალო სიძლიერის გეოშტორმს წინასწარმეტყველებენ;

ძლიერი ქარიშხალია მოსალოდნელია 15-17 დეკემბერს, რომელიც პიკს 16 დეკემბერს მიაღწევს;

თვის ბოლოს, 29-31 დეკემბერს სავარაუდოა სუსტი მაგნიტური ქარიშხალი.

როგორ მოქმედებს მაგნიტური ქარიშხლები ადამიანის ჯანმრთელობაზე

ადამიანზე მაგნიტური ქარიშხლების ზეგავლენას სწავლობს ცალკე სამეცნიერო მიმართულება – ჰელიობიოლოგია, რომელიც ცდილობს გაარკვიოს, არის თუ არა კავშირში ადამიანის დაავადებების განვითარებასთან მზის აქტივობის ცვლილებები და გეომაგნიტური ქარიშხლები.

გეომაგნიტური ქარიშხლის ზემოქმედება ყველაზე ხშირად ვლინდება ამინდზე დამოკიდებულ და გულ-სისხლძარღვთა პრობლემების მქონე ადამიანებში.

მაგნიტური ქარიშხლის ადამიანზე ზემოქმედების ყველაზე გავრცელებული სიმპტომებია:

• თავის ტკივილი
• სისუსტე
• თავბრუსხვევა
• გულისრევა
• სახსრებისა და კუნთების ტკივილი
• არტერიული წნევის მკვეთრი ცვალებადობა
• ძილის დარღვევები (უძილობა ან ძილიანობა)
• ძლიერი დაღლილობის შეგრძნება

როგორ დავიცვათ თავი მაგნიტური ქარიშხლის უარყოფითი გავლენისგან

• გააკონტროლეთ არტერიული წნევა;
• თან გქონდეთ აუცილებელი წამლები (ვისაც გულ-სისხლძარღვთა დაავადებები გაწუხებთ);
• თავიდან აიცილეთ სტრესი და ნეგატიური ემოციები;
• შეზღუდეთ მავნე, არაჯანსაღი საკვები, ალკოჰოლი და სიგარეტი, რაციონი გაამდიდრეთ ხილით და ბოსტნეულით;
• დალიეთ დღეში მინიმუმ 1,5-2 ლიტრი სითხე სხეულის წონის მიხედვით, უმეტესად წყალი, აგრეთვე, ახალი კომპოტები – სასურველია უშაქროდ, თუ ტკბილს ვერ ელევით, თაფლით დაატკბეთ;
• რეგულარულად გაანიავეთ ოთახი, განსაკუთრებით ძილის წინ;
• მეტი იმოძრავეთ, თუ ფიზიკურ ვარჯიშს ვერ შეძლებთ, სუფთა ჰაერზე ფეხით ისეირნეთ, რაც მეტხანს, მით უკეთესი. გაითვალისწინეთ, რომ რეგულარულობას დიდი მნიშვნელობა აქვს.