პროტესტის მე-40 დღე: მოქალაქეები შობას ქაშუეთთან ხვდებიან

შობის ღამეს, რუსთაველის გამზირზე მივიდა საქართველოს მე-5 პრეზიდენტი, სალომე ზურაბიშვილი, რომელიც არ ცნობს საქართველოს პარლამენტისა და მე-6 პრეზიდენტის არჩევნების ლეგიტიმურობას. მან ჟურნალისტებთან კომენტარისას თქვა, რომ ერთიანობა მოიტანს გამარჯვებას.

"შობის ღამეს ერთად ვდგავართ და მე მგონი, ეს არის მთავარი განცდა, რაც გვაერთიანებს. ერთიანობა არის ის, რამაც საქართველო გადაარჩინა საუკუნეების მანძილზე. ეს თუ შევძელით, ეს არის გამარჯვება და ეს არის ის, რამაც საქართველო დღემდე მოიყვანა", - თქვა მან.