“საჯარო მოხელეებს ნუ ამუნათებ და აშინებ!” – ოზურგეთის მერიის თანამშრომელი

ვერ გავატარე…

ისედაც დიდი ხანი ვიყავი ჩუმად…

თავი ვალდებულად ჩავთვალე მეპასუხა ყველა საჯარო მოხელის , სსიპ – ისა თუ ა( ა) იპ – ის თანამშრომლის სახელით და გამომეხატა ჩემი მოკრძალებული აზრი და შეხედულება საქართველოში მიმდინარე მოვლენებზე…
,, ვისაც არ მოგწონთ ჩვენთან მუშაობა” – ასე იწყება თამარ ვანიძის , ოზურგეთის მუნიციპალიტეტის მერიის თანამშრომლის პოსტი … პირველივე წინადადება ვფიქრობ, კანონდარღვევაა… თქვენ არა თამარ! ეს ხალხი, მათ შორის მეც ჩემს ქვეყანას, ოზურგეთს , ხალხს ვემსახურები ( თ)
ხელფასს რომელიმე ხელისუფალი , ამ შემთხვევაში ,, ქართული ოცნება” კი არ იხდის, არამედ, ხალხი, გადასახადის გადამხდელი მოქალაქეები იხდიან! სწორედ ხალხთანაა საჯარო მოხელე ანგარიშვალდებული და არავისთან სხვასთან!
რაც შეეხება მოწონება – არმოწონებას ეს გემოვნების ამბავია… საჯარო მოხელის ვალდებულება არაა მმართველი პარტიების სიყვარული ან მოწონება, მას ქვეყნის სიყვარული , ერთგულება და კეთილსინდისიერი სამსახური ევალება!

საჯარო მოხელე ჩვეულებრივი ადამიანია და ისიც ბრაზდება მის მიერ არჩეულ თუ არარჩეულ ხელისუფალზე. მასაც აქვს უფლება ამ ბრაზს პროტესტის სახე მისცეს ქუჩაში გამოვიდეს და გააპროტესტოს!

ამიტომ, საჯარო მოხელეებს ნუ ამუნათებ და აშინებ!

რაც შეეხება აქციებს… მშვიდობიანი პროტესტი ჭკვიანი ხელისუფლებისთვის გამოსაფხიზლებელი ქმედება უნდა იყოს, ხალს ყური დაუგდოს, რადგან ხელისუფლების წყარო ხალხია და არავინ სხვა!

დღეს საქართველოს ლეგიტიმური ხელისუფლება არ ჰყავს, ამას არ მარტო მე, არამედ საქართველოს მოქალაქეები, ( უმრავლესობა) , საერთაშორისო პარტნიორები, სტრატეგიული მეგობრები – ევროკავშირის ქვეყნები, ამერიკის შეერთებული შტატები ამბობს!

26 ოქტომბრის შემდეგ ,,ქართულმა ოცნებამ ” იფიქრა, რომ გაყალბებული არჩევნები ,,შერჩა” , ამომრჩეველმა ,,გაუტარა” … ერთი შეხედვით ასე ჩანდა , დაღლილმა და გაბრაზებულმა ( ხელისუფლებაზე, ოპოზიციაზე ) იმედგაცრუებულმა მოქალაქეებმა პროტესტი , თავად პროტესტს გამოუცხადეს ! სანამ ,, ქართული ოცნება” ხალხისთვის ფუნდამენტურს, ღირებულს, ყველაზე მნიშვნელოვანს – ევროპულ არჩევანს არ შეეხო, რომელიც უზენაესი კანონით, კონსტიტუციით გვაქვს გამყარებული!

იხუვლა ხალხმა!!! იმ 83 თუ 86 % , რომელმაც ევროკავშირში ინტეგრაცია ყველა კვლევითი თუ რეფერენდუმით დაადასტურა!

… და მას აქეთ 15 დღეა დგას ქუჩაში : დღისით თუ ღამით, დარსა თუ ავდარში, ქარსა და წვიმაში და ითხოვს საქართველოს კონსტიტუციის 78 – ე მუხლის აღსრულებას, ლეგიტიმურ ხელისუფლებას , რომელიც ჩადგება ხალხის სამსახურში, აღასრულებს ხალხის ნებას!

საქართველო ავტოკრატიული, ქვეყნის სტატუსს ვერ და არ შეეგუება! აქ რუსეთი არ იქნება!

საქართველოს მოქალაქეებს ვერ შეაშინებთ დაჭერებით, ცემით, დასახიჩრებით, დარბევით…
ვერ წაართმევთ სიტყვის და გამოხატვის თავისუფლებას, ქართველი არ დადუმდება არ შეეგუება, არ შეშინდება!!!

ვიყო პათეტიკური! აღმაშენებლის, თამარის სულხან – საბას, ძმები ხერხეულიძეების, სამასი არაგველის, ილიას, ვაჟას, ანწუხელიძის ქვეყანას ასე მარტივად ვერ ათქმევინებთ უარს თავისუფლებაზე, ევროპულ მომავალზე!!!!