ტრამპმა არაბთა და ახლო აღმოსავლეთის საქმეებში მრჩევლად დაასახელა ბიზნესმენი მასად ბულოსი

აშშ-ის არჩეულმა პრეზიდენტმა, დონალდ ტრამპმა 1 დეკემბერს განაცხადა, რომ ლიბანური წარმოშობის ამერიკელი ბიზნესმენი, მასად ბულოსი მის ადმინისტრაციაში იმუშავებს მაღალი რანგის მრჩევლად არაბთა და ახლო აღმოსავლეთის საკითხებში.

ბულოსი - რომელიც ტრამპის ქალიშვილის, ტიფანის მამამთილია - საარჩევნო კამპანიის დროს ხშირად ხვდებოდა არაბი ამერიკელების თემის წარმომადგენლებს და მუსლიმთა წინამძღოლებს.

ტრამპი უკვე მეორედ ასახელებს მისი შვილების მამამთილებს თავისი ადმინისტრაციის თანამდებობებზე. 30 ნოემბერს ტრამპმა განაცხადა, რომ მისი სიძის, ჯარედ კუშნერის მამა, უძრავი ქონების მაგნატი ჩარლზ კუშნერი საფრანგეთში აშშ-ის ელჩი იქნება.