შეუცვლელად ითამაშა - რა შეფასება დაუწერეს ჩაკვეტაძეს ქუინს პარკ რეინჯერსთან

სულ ცოტა ხნის წინ დასრულდა ინგლისის ჩემპიონშიპის რიგით მე-18 ტურის შეხვედრა, რომელშიც გიორგი ჩაკვეტაძის უოტფორდმა ქუინს პარკ რეინჯერსთან 0:0 ითამაშა.

როგორც მოსალოდნელი იყო, საქართველოს ნაკრების ნახევარმცველი თავიდანვე ძირითადში იმყოფებოდა და მთავარ მწვრთნელს გიორგი საერთოდ არ შეუცვლია.

ჩაკვეტაძემ საკუთარ გუნდში ერთ-ერთი ყველაზე კარგი შეფასება მიიღო. ქართველ ფეხბურთელს 7.2 სარეიტინგო ქულა დაუწერეს.

რაც შეეხება უოტფორდს, ისინი ჩემპიონშიპის მე-6 ადგილზე 30 ქულით არიან და პირველადგილოსანს 8 ქულით ჩამორჩებიან.