შსს-ს ცნობით აფეთქების მომზადების ბრალდებით ერთი ადამიანი დააკავეს

შინაგან საქმეთა სამინისტროს ინფორმაციით, საპროტესტო აქციაზე აფეთქების მომზადების ბრალდებით, 25 წლის პირი დააკავეს.

მომხდარ ფაქტზე გამოძიება სისხლის სამართლის კოდექსის 18-229-ე პრიმა
მუხლის პირველი ნაწილით მიმდინარეობს.

ამ მუხლით გათვალისწინებული დანაშაული 7 წლამდე ვადით თავისუფლების აღკვეთას ითვალისწინებს.

28-29-30 ნოემბერს გამართულ პროევროპულ აქციებზე პოლიციამ, ჯამში, 150 ადამიანი დააკავა. ადვოკატების განცხადებით, მათი უმრავლესობა ნაცემია.

ათასობით დემონსტრანტი რუსთაველის გამზირზე პარლამენტის წინ 28 ნოემბრიდან აპროტესტებს მთავრობის გადაწყვეტილებას, 2028 წლის ბოლომდე დღის წესრიგში არ დააყენონ ევროკავშირში გაწევრების მოლაპარაკების გახსნის საკითხი.