2025 წლის თებერვალში წლიური ინფლაცია 2.4% იყო

საქართველოს სტატისტიკის ეროვნული სამსახურის (საქსტატი) მიერ 4 მარტს გამოქვეყნებული მონაცემებით, 2025 წლის თებერვალში წლიური ინფლაცია 2.4% იყო, წინა თვესთან შედარებით კი – სამომხმარებლო ფასები 0.4%-ით გაიზარდა.

წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: სხვადასხვა საქონელი და მომსახურება (7.6%-იანი ზრდა); ჯანმრთელობის დაცვა (5.4% ზრდა); ალკოჰოლური სასმელები და თამბაქო (4.7%-იანი ზრდა); სურსათი და უალკოჰოლო სასმელები (3.7%-იანი ზრდა); კავშირგაბმულობა (12.2% იანი კლება).

რაც შეეხება ყოველთვიურ ინფლაციას, აქ ფასების ჩამოყალიბებაზე ძირითადი გავლენა შემდეგ ჯგუფებზე ფასების ცვლილებამ იქონია: ჯანმრთელობის დაცვა (2.3%-იანი ზრდა); სურსათი და უალკოჰოლო სასმელები (0.7%-იანი ზრდა); და ტანსაცმელი და ფეხსაცმელი (2.8%-იანი კლება).

რაც შეეხება სურსათისა და უალკოჰოლო სასმელების ჯგუფს, ფასები გაიზარდა შემდეგ ქვეჯგუფებზე: ხილი და ყურძენი (4.8%);  მინერალური და წყაროს წყალი, უალკოჰოლო სასმელები და ნატურალური წვენები (4.6%); ბოსტნეული და ბაღჩეული (3.3%); ხორცი და ხორცის პროდუქტები (0.7%); ზეთი და ცხიმი (0.6%); ყავა, ჩაი და კაკაო (0.5%). ამასთან, ფასები შემცირდა შემდეგ ქვეჯგუფებზე: შაქარი, ჯემი და სხვა ტკბილეული (-2.5%); რძე, ყველი და კვერცხი (-0.4%); თევზეული (-0.3%); პური და პურპროდუქტები (-0.1%).

ასევე წაიკითხეთ:

• 03/02/2025 – 2025 წლის იანვარში წლიური ინფლაცია 2% იყო
• 09/01/2025 – 2024 წლის დეკემბერში წლიური ინფლაცია 1.9% იყო
• 03/12/2024 – 2024 წლის ნოემბერში წლიური ინფლაცია 1.3% იყო
• 04/11/2024 – 2024 წლის ოქტომბერში წლიური ინფლაცია 0.3% იყო
• 03/10/2024 – 2024 წლის სექტემბერში წლიური ინფლაცია 0.6% იყო
• 03/09/2024 – 2024 წლის აგვისტოში წლიური ინფლაცია 1% იყო
• 02/08/2024 – 2024 წლის ივლისში წლიური ინფლაცია 1.8% იყო

This post is also available in: English (ინგლისური)