3 წელი ბაკალავრის ხარისხისთვის და 1 წელი – მაგისტრატურის – კობახიძის ინიციატივა

ვფიქრობთ, რომ სკოლების ნაწილში უნდა გადავიდეთ 11- წლიან სასწავლო პროგრამაზე, –  ამის შესახებ ირაკლი კობახიძემ განათლების რეფორმის პრეზენტაციისას განაცხადა.

„ცოტა ხანში ვგეგმავთ სხვა მიმართულებითაც გარკვეული გეგმების პრეზენტაციას და ვფიქრობთ, რომ სკოლების ნაწილშიც უნდა გადავიდეთ 11- წლიან სასწავლო პროგრამაზე“, – თქვა მან.

კობახიძემ ასევე განაცხადა, რომ ბაკალავრის ხარისხის მისაღებად “სამი წელი არის სავსებით საკმარისი თითქმის ყველა სპეციალობისთვის“.

ჩვენ ჩავატარეთ გარკვეული ანალიზი და ვფიქრობთ, რომ გამონაკლისი სპეციალობების გარდა, უნდა გადავიდეთ 3+1 სისტემაზე, სადაც 3 წელი დაეთმობა ბაკალავრიატს და 1 წელი დაეთმობა მაგისტრატურას.  სამი წელი არის სავსებით საკმარისი თითქმის ყველა სპეციალობისთვის. რა თქმა უნდა, მედიცინა და მსგავსი სპეციალობები არის გამონაკლისი. სხვა შემთხვევაში, პრაქტიკულად ყველა შემთხვევაში, არის შესაძლებელი სამ წელიწადში ბაკალავრიატის დონის განათლების მიღება და ერთ წელიწადში მაგისტრატურის დონის განათლების მიღება,“- განაცხადა კობახიძემ.