“4 ოქტომბერს არჩევნები არ ტარდება – ეს არის რუსული სპეცოპერაცია. შედეგს ივანიშვილი ისე დაწერს, როგორც გორბის კვლევას” – ლევან სანიკიძე

“როდესაც უმრავლესობის ნების წინააღმდეგ მიდიხარ, მნიშვნელობა აღარ აქვს ვინ შეასრულებს მთავარ როლს – გუშინ ეს კუპრაძემ საკუთარ თავზე აიღო“, – ასე ეხმაურება “ნაციონალური მოძრაობის” ლიდერი, ლევან სანიკიძე “ლელო – ძლიერი საქართველოს” თბილისის მერობის კანდიდატად ირაკლი კუპრაძის დასახელებას:

“თავიდანვე უნდა აღვნიშნო, რომ ეს არის რუსული სპეცოპერაცია, 4 ოქტომბერს არ ტარდება არანაირი არჩევნები და არავითარი მნიშვნელობა არ აქვს ვინ იქნებოდა კანდიდატი.

ნამდვილად ასე ვაფასებთ, ვინაიდან და რადგანაც პირველი როგორც გორბის კვლევას წერს ივანიშვილი, ზუსტად ასე დაწერს არჩევნების შედეგსაც, განსაკუთრებით 4 ოქტომბერს, რადგან ასეთი დაუცველი საარჩევნო კანონმდებლობა ნამდვილად არასდროს არ ყოფილა და ამავე დროს, როდესაც საკუთარი და ოპოზიციური ამომრჩევლის უმრავლესობის ნების წინააღმდეგ მიდიხარ, საერთოდ არ აქვს მნიშვნელობა ვინ იქნება მთავარი შემსრულებელი და ვინ ითავებს იმ როლს, რაც გუშინ ირაკლი კუპრაძემ თავის თავზე აიღო”, – განაცხადა ლევან სანიკიძემ.

ინფორმაციას “ნაციონალური მოძრაობის” პრესსამსახური ავრცელებს