WEBO.GE ციფრული
სერვისები
💻 საიტების დამზადება
🚀 SEO ოპტიმიზაცია
📞 579 817 817

16

ყოფილი პარლამენტარი, ზურაბ ჭიაბერაშვილი:

1. სანამ არსებობს Town-Hall ამერიკა, დემოკრატია მუშაობს. მთავრობის პასუხისმგებლობა დგება, როცა 50-კაციან საუბნო შეხვედრაზე მოქალაქეს შეუძლია “ათრიოს” სენატორი ან კონგრესმენი.

გამოწვევა 1: როგორ გადარჩება Town-Hall ამერიკა სოციალური მედიის, ხელოვნური ინტელექტისა და “ტექბროების” ფულის პირობებში.

გამოწვევა 2: აპოლიტიკური მოქალაქისთვის – ასეთი კი უმრავლესობაა – პოპულიზმის ანტიდოტი ბენზინის გაძვირებაა.

2. მოქალაქემ ამჯერად დაამარცხა [ტექბროების] ფული.

3. დემოკრატების გამარჯვება მოიტანა მედიის დისციპლინამ. მეორე მხარე ყველაფერს აკეთებდა, რომ მედიას ყველაფერზე ელაპარაკა (ვიღაც მომღერლის უკანალზე კი) ბენზინის ფასისა და გაძვირებული ცხოვრების გარდა. მაგრამ მედიამ შეძლო, არ ყოფილიყო კაკაფონია ეთერში.

4. მოიგო ურბანულმა, განათლებულმა, შემოსავლიანმა საშუალო კლასმა აპოლიტიკური მოქალაქის უკმაყოფილებასთან დაწყვილებით. ამ აპოლიტიკურ მოქალაქეს მორიგი პოპულისტი “დაითრევს”, თუ პოლიტიკურმა ცენტრმა – განსაკუთრებით მარცხნიდან – არ უპასუხა შუა ამერიკის სოფელში მიტოვებული მოქალაქის წუხილებს. ამიტომაა საჭირო ახალი დიდი პროგრამა.

5. წითელ შტატში გამარჯვებულ დემოკრატ გუბერნატორს ან სენატორს 2028 წლის დემოკრატიულ პრაიმერში გამარჯვების დიდი შანსი აქვს.