EU “ოცნებას”: წამების ყველა ბრალდება სარწმუნოდ უნდა იყოს გამოძიებული

ევროკავშირის საგარეო ქმედებათა სამსახური საქართველოში მიმდინარე მოვლენებს განცხადებით ეხმაურება.

ევროკავშირი „ქართულ ოცნებას” მოუწოდებს, მოახდინოს საქართველოში არსებული ვითარების დეესკალაცია.

განცხადების ავტპრები აქციის მონაწილეების დაკავებებზე, მათ მიმართ არასათანადო მოპყრობასა და ძალადობაზე მიუთითებენ.

ევროკავშირი გმობს რეპრესიულ ქმედებებს მომიტინგეების, მედიის წარმომადგენლებისა და ოპოზიციის ლიდერების მიმართ.

EU შესაბამის ორგანოებს მოუწოდებს დაუყოვნებლივ გაათავისუფლონ ყველა დაკავებული პირი. მათივე თქმით, წამებისა და არასათანადო მოპყრობის ყველა ბრალდება სარწმუნოდ უნდა იყოს გამოძიებული.

ევროკავშირი გმობს ამ რეპრესიულ ქმედებებს მომიტინგეების, მედიის წარმომადგენლებისა და ოპოზიციის ლიდერების მიმართ და მოუწოდებს დაუყოვნებლივ გაათავისუფლონ ყველა დაკავებული პირი. ევროკავშირი ითხოვს შეწყვიტოს ფართოდ გავრცელებული დაშინება, პოლიტიკური დევნა, წამება და მოქალაქეების არასათანადო მოპყრობა.

ფუნდამენტური უფლებები, როგორიცაა მშვიდობიანი შეკრებისა და გამოხატვის თავისუფლების უფლება, უნდა იყოს დაცული და დაცული საქართველოს კონსტიტუციისა და საერთაშორისო ვალდებულებების შესაბამისად. წამებისა და არასათანადო მოპყრობის ყველა ბრალდება სარწმუნოდ უნდა იყოს გამოძიებული. 

ჩვენ მოვუწოდებთ ქართულ ოცნებას დეესკალაციისკენ და ბოლო მოეღოს ამ გარემოს, რომელსაც მძიმე შედეგები მოაქვს ქართველი ხალხისთვის. ძალადობა არ არის პასუხი მომიტინგეების მოთხოვნებზე საქართველოს დემოკრატიული და ევროპული მომავლის შესახებ.

შეგახსენებთ, რომ სწორედ „ქართული ოცნების“ მოქმედებამ გამოიწვია ევროკავშირში გაწევრიანების პროცესის დე ფაქტო შეჩერება. მუდმივმა დემოკრატიულმა უკუსვლამ და საქართველოს ხელისუფლების მიერ გამოყენებული ბოლოდროინდელი რეპრესიული საშუალებებმა გავლენა მოახდინა ჩვენს ორმხრივ ურთიერთობებზე. ევროკავშირი დამატებით ზომებს განიხილავს მომავალ საგარეო საქმეთა საბჭოზე 16 დეკემბერს.

ევროკავშირი სოლიდარობას უცხადებს ქართველ ხალხს და მათ დემოკრატიულ და ევროპულ მისწრაფებებს”- წერია განცხადებაში.