#OK! Gallery M. – შინაგანი სამყაროს ანარეკლი თქვენს საქორწილო კაბაში

4 days ago 3

ჟურნალი OK! მოგიყვებათ ერთ საინტერესო სივრცეზე, საქორწილო კაბების მაღაზია Gallery M.-ზე, რომელიც თბილისში, ალ. ყაზბეგის გამზ. 31 ნომერში გაიხსნა. Gallery M.-ის მყუდრო, არტ-დეკოს სტილში გადაწყვეტილი ინტერიერი, თვალისმომჭრელი ვიტრინა და კაბების ვიდეომიმოხილვები რუბრიკაში, „ცოტა რამ კაბის შესახებ“, ნამდვილად საინტერესო აღმოჩენა იქნება იმ მომავალი პატარძლებისთვის, რომლებიც ქორწილისთვის ემზადებიან და ვისთვისაც კაბის თითოეულ დეტალს უდიდესი მნიშვნელობა აქვს. ჩვენს კითხვებს უფრო ვრცლად და დეტალურად Gallery M.-ის დამფუძნებელი, მედეა გლოველი უპასუხებს.

უპირველესად, გაგეცანით და გვიამბეთ თქვენი საქმიანობის შესახებ. რამდენი ხანია, რაც Gallery M. ბაზარზე გამოჩნდა და საიდან გაჩნდა იდეა?

მოგესალმებით, მე ვარ მედეა გლოველი, Gallery M.-ის დამფუძნებელი, რომელიც მდებარეობს ალ. ყაზბეგის გამზირზე, 31 ნომერში.

Gallery M. ოქტომბერში დაიბადა. რაც შეეხება გალერეის შექმნის იდეას, გაჩნდა ჩემი სურვილიდან გამომდინარე – ერთ სივრცეში, რამდენიმე საგამოფენო დარბაზში, სხვადასხვა ნიჭიერი ქართველი დიზაინერის თუ მოდის სახლის ხელწერა და საქორწილი კაბები გამეერთიანებინა, რაც მომხმარებელს გაუადვილებდა არჩევანის გაკეთებას და ზოგად წარმოდგენას შეუქმნიდა ბაზარზე არსებულ პროდუქციაზე.

რას სთავაზობთ მომხმარებლებს?

მომხმარებელს ვთავაზობთ კეთილგანწყობით სავსე მომსახურებას, საუკეთესო ხარისხს, საქორწილო კაბების შეძენა-ქირაობას, შეკვეთების სერვისს, არასტანდარტულ გადაწყვეტილებებს, ახლებურ ხედვას, ზღაპარსა და ოცნებას.

რა მიგაჩნიათ Gallery M.-ის ნიშად და რა უპირატესობებით სარგებლობს საქორწინო კაბების შოურუმი ბაზარზე?

Gallery M.-ის უპირატესობა მომხმარებელთან მუდმივი დიალოგი, მის სურვილებთან, ოცნებებთან კოლაბორაცია, ბრწყინვალე მომსახურება და პროდუქციის უმაღლესი ხარისხია.

მომსახურებასა და გარემოზეც გვიამბეთ, რომელიც თქვენთან მოსულ სტუმრებს ხვდებათ.

Gallery M.-ის ესთეტიკის შექმნაში ძალიან დამეხმარა ჩემი უფროსი ქალიშვილი სალომე, რომელიც ნიუ-იორკში დიზაინის ერთ-ერთ წამყვან სახელმწიფო ინსტიტუტში – Fashion Institute of Technology-ში ეუფლება მოდის ბიზნესის მენეჯმენტს. ის იმ მცირერიცხოვან სტუდენტთაგანია, რომელმაც პირველივე კურსიდან ერთ-ერთ ცნობილ დიზაინერთან მუშაობის საოცარი გამოცდილება მიიღო პარიზის Fashion Week-ში და მისი ნოვატორული ხედვა იქნება Gallery M.-ის წარმატების საწინდარი.

ჩვენ გულდასმით შევეცადეთ, რომ Gallery M.-ში მომხმარებლისთვის მაქსიმალურად კომფორტული, მყუდრო გარემო შეგვექმნა როგორც ინტერიერის, ასევე ფასების თვალსაზრისითაც.

აქ ყველანაირად დაგეხმარებით, რომ თქვენი კაბა აღმოაჩინოთ და როგორც კი მას იპოვით, მაშინვე მიხვდებით. ეს აღმოჩენა კი, მომხმარებლის ბედნიერი მზერა, ჩემი საქმიანობის ყველაზე შთამბეჭდავი ნაწილია.

მე კაბას უფრო შემოქმედებით ჭრილში აღვიქვამ და თითქმის ყოველთვის ვხვდები, რა უნდა შევთავაზო გალერეაში შემოსულ მომხმარებელს, რაც მისი სულის, სურვილებისა და შინაგანი სამყაროს ანარეკლი იქნება მის საქორწილო კაბაში.

ასე რომ, ნუ მიიღებთ გადაწყვეტილებას თქვენს მთავარ კაბაზე მანამ, სანამ არ ესტუმრებით Gallery M.-ს.

სამომავლო გეგმები გაგვიზიარეთ.

სამომავლო გეგმებს რაც შეეხება, არ გამოვრიცხავ, რომ მსოფლიოში ცნობილი და ასევე, ქართველი მომხმარებლისთვის ჯერჯერობით უცნობი დიზაინერების ნამუშევრებით გავამრავალფეროვნო და გავაფერადო Gallery M.-ის საგამოფენო სივრცე.