#OK! კვენტინ ტარანტინომ 21-ე საუკუნის საუკეთესო ფილმები დაასახელა

ამერიკელმა კინორეჟისორმა, სცენარისტმა, პროდიუსერმა და მსახიობმა, კვენტინ ტარანტინომ 21-ე საუკუნის ათი საუკეთესო ფილმი დაასახელა. სიის სათავეშია „შავი ქორის დაცემა“. კვენტინის თქმით, რიდლი სკოტის ფილმი გაიძულებთ პირველიდან ბოლო წუთამდე დაძაბული იყოთ. მისი სანახაობრივი მხარე და ატმოსფერო ფრენსის ფორდ კოპოლას „აპოკალიფსი ახლა“- ს უტოლდება.

„სკოტის რეჟისორული ოსტატობა ქებას იმსახურებს“, – აღნიშნა ტარანტინომ.

სიის მეორე ადგილი ამერიკელი სცენარისტის, რეჟისორის, ანიმატორისა და მონტაჟიორის, ლი ანკრიჩის ანომაციას – „სათამაშოების ისტორია 3“-ს ერგო, რომელსაც ტარანტინო „თითქმის იდეალურ ფილმად“ მიიჩნევს.

მესამე ადგილზე სოფია კოპოლას „თარგმანში დაკარგულები“–ა. ხუთეულში მოხვდა კრისტოფერ ნოლანის „დიუნკერკი“ და პოლ ტომას ანდერსონის „და იქნება სისხლი“. რეჟისორმა აღიარა, რომ თავდაპირველად, ნოლანის ნამუშევრები არ მოსწონდა, თუმცა შედეგ აზრი შეიცვალა.

ათეულში მოხვდნენ დევიდ ფინჩერის „ზოდიაქო“, ტონი სკოტის „შეუჩერებელნი“, ჯორჯ მილერის „შეშლილი მაქსი: მრისხანების გზა“, ედგარ რაიტის „ზომბი, სახელად შონი“ და ვუდი ალენის „შუაღამე პარიზში“.

კვენტინ ტარანტინოს, რომელიც კრიტიკოსებმა „21-ე საუკუნის რეჟისორად“ მონათლეს, 21-ე საუკუნის საუკეთესო ფილმებში საკუთარი ფილმები არ შეუყვანია, თუმცა მისი „ცოფიანი ძაღლები“ (1992), „მაკულატურა“ (1994), „მოკალი ბილი“ (2003, 2004), „უსახელო ნაბიჭვრები“ (2009) და ა.შ. მსოფლიოში ცნობილი ფილმებია. ტარანტინოს მიღებული აქვს ოსკარი, ოქროს გლობუსი, BAFTA, ოქროს პალმის რტო, ასევე ემისა და გრემის ჯილდოები.

ასევე დაგაინტერესებთ

#OK! კვენტინ ტარანტინოს ტოპ 4 ფილმი, რომელიც აუცილებლად უნდა ნახოთ!