#OK! წარმატებისთვის შექმნილი სივრცე – როგორ იყენებენ მსოფლიოს ყველაზე ცნობილი ვარსკვლავები ფენგ-შუის

ოდესმე დაფიქრებულხართ, რატომ ახერხებენ ზოგიერთი მსოფლიო დონის ვარსკვლავები სიმდიდრის, გავლენისა და შინაგანი სიმშვიდის შენარჩუნებას? მიუხედავად იმისა, რომ წარმატების მთავარი საფუძველი ნიჭი და შრომაა, ბევრი ცნობილი ადამიანი საკუთარ კეთილდღეობას კიდევ ერთ ფაქტორს უკავშირებს – ფენგ შუის.

ფენგ შუი უძველესი ჩინური პრაქტიკაა, რომელიც სივრცის სწორად ორგანიზების გზით „ჩის“ (სიცოცხლის ენერგიის) დაბალანსებას ისახავს მიზნად. ტექნოლოგიური გიგანტებიდან დაწყებული, მუსიკისა და კინოს ვარსკვლავებით დასრულებული, არაერთი ცნობილი ადამიანი სპეციალისტების დახმარებით აწყობს საკუთარ სახლებსა და სამუშაო სივრცეებს.

ოპრა უინფრი 

მედიამაგნატი ოპრა უინფრი დიდი ხანია ცნობილია ცხოვრების გააზრებული და ჰარმონიული სტილისადმი ინტერესით. მისი უძრავი ქონების პორტფელში შემავალი ცნობილი „Promised Land“-ის რეზიდენციის მოწყობისას განსაკუთრებული ყურადღება ექცევა ენერგიის თავისუფალ მოძრაობას.

ოპრა უპირატესობას ანიჭებს ბუნებრივ განათებას, ღია სივრცეებსა და თავისუფალ გასასვლელებს, რაც, ფენგ შუის მიხედვით, დადებითი ენერგიის მოზიდვას უწყობს ხელს.

ბილ გეითსი 

Microsoft-ის თანადამფუძნებლის, ბილ გეიტსის ცნობილი სახლი „Xanadu 2.0“ თანამედროვე ტექნოლოგიებისა და ბუნებასთან ჰარმონიის შერწყმის მაგალითია.

სახლში აქტიურადაა გამოყენებული ხის კონსტრუქციები, მიწისფერი ტონები და წყლის ელემენტები. ფენგ შუის მიხედვით, მიწა სტაბილურობას, ხოლო წყალი ფინანსურ წარმატებასა და სიმდიდრის ენერგიას უკავშირდება.

მადონა

პოპმუსიკის ლეგენდა მადონა აღმოსავლური ფილოსოფიების მიმართ ინტერესით დიდი ხანია გამოირჩევა. სხვადასხვა ქვეყანაში მდებარე მის საცხოვრებელ სივრცეებში ფენგ შუის კონსულტანტები მუშაობენ იმისთვის, რომ გარემო მაქსიმალურად მშვიდი და დაბალანსებული იყოს.

განსაკუთრებული ყურადღება ეთმობა საძინებლებსა და შემოქმედებით სივრცეებს, სადაც მინიმალისტური დიზაინი და ენერგიის თავისუფალი მოძრაობა გონებრივ სიცხადესა და დასვენებას უწყობს ხელს.

ჯესიკა ალბა 

მსახიობმა და The Honest Company-ის დამფუძნებელმა ჯესიკა ალბამ საკუთარი საცხოვრებელი სივრცე ისე მოაწყო, რომ ოჯახის წევრებს შორის კომუნიკაცია და ურთიერთობა გაეუმჯობესებინა.

ინტერიერის ექსპერტების შეფასებით, მის მისაღებ ოთახში ავეჯი სიმეტრიულადაა განლაგებული და არ ბლოკავს შესასვლელებს. ფენგ შუის თანახმად, ასეთი განლაგება კომფორტულ და ჰარმონიულ გარემოს ქმნის.

ჰოლივუდის საყვარელი ხრიკები, რომლებიც შეგიძლიათ თქვენც გამოიყენოთ

ფენგ შუის პრინციპების გამოყენება მხოლოდ მილიონერებისთვის არ არის ხელმისაწვდომი. რამდენიმე მარტივი წესის გათვალისწინება ნებისმიერ ადამიანს შეუძლია.

„მმართველი პოზიცია“

საწოლი ან სამუშაო მაგიდა ისე განათავსეთ, რომ ოთახის შესასვლელს ხედავდეთ, თუმცა პირდაპირ კარის ხაზზე არ იყოთ. ფენგ შუის მიხედვით, ეს კონტროლისა და სტაბილურობის განცდას აძლიერებს.

ვერტიკალური სივრცის გამოყენება

თუ ოთახი პატარაა, მაღალი თაროები და სათავსოები გამოიყენეთ. ფენგ შუის მიხედვით, ეს ენერგიის უკეთეს ცირკულაციას უწყობს ხელს და სივრცეს უფრო მსუბუქს ხდის.

მოწესრიგებული შესასვლელი

ფენგ შუიში მთავარი კარი „ჩის კარიბჭედ“ მიიჩნევა. სწორედ ამიტომ, რეკომენდებულია, რომ შესასვლელი სივრცე ზედმეტი ნივთებისგან თავისუფალი იყოს, რათა ახალი შესაძლებლობებისა და დადებითი ენერგიის შემოსვლას ხელი არ შეეშალოს.

ფენგ შუის მიმდევრები მიიჩნევენ, რომ საცხოვრებელი სივრცე მხოლოდ კედლებისა და ავეჯის ერთობლიობა არ არის – ის ადამიანის მიზნებისა და ცხოვრების წესის გაგრძელებაა. სწორედ ამიტომ, ბევრი ცნობილი ადამიანი ცდილობს გარემო ისე მოაწყოს, რომ ის ჰარმონიას, სიმშვიდესა და წარმატებას უწყობდეს ხელს.