#OK! ჯორჯ და ამალ კლუნები – ჰოლივუდის ყველაზე გავლენიანი სიყვარულის ისტორია

ჰოლივუდში ბევრი ცნობილი წყვილია, თუმცა ჯორჯ და ამალ კლუნები დღემდე ერთ-ერთ ყველაზე შთამბეჭდავ გამორჩეულ წყვილად ითვლებიან. ოსკაროსანი მსახიობი და ადამიანის უფლებების საერთაშორისო ადვოკატი ერთმანეთს 2013 წელს შეხვდნენ – შეხვედრა, რომელიც მოგვიანებით ნამდვილ კინოსიუჟეტად გადაიქცა.

დღეს ისინი არა მხოლოდ წარმატებული კარიერებით, არამედ საერთო ჰუმანიტარული საქმიანობითა და ოჯახური ცხოვრებითაც გამოირჩევიან.

როგორ დაიწყო ყველაფერი – შეხვედრა იტალიაში

ჯორჯ კლუნი და ამალ ალამუდინი პირველად 2013 წელს, იტალიაში, ლეიკ კომოს სანაპიროზე მდებარე მსახიობის სახლში შეხვდნენ. საერთო მეგობარმა კლუნის ჰკითხა, შეეძლო თუ არა ვახშამზე მეგობრის მიყვანა — ეს მეგობარი სწორედ ამალი აღმოჩნდა.

იმ დროს ჯორჯმა არაფერი იცოდა ოქსფორდში განათლებამიღებულ ადვოკატზე, თუმცა მისმა აგენტმა მაშინვე ივარაუდა, რომ ეს შეხვედრა განსაკუთრებული იქნებოდა. მოგვიანებით მსახიობმა გაიხსენა, რომ მთელი ღამე საუბარში გაატარეს.

თავდაპირველად ურთიერთობა მეგობრობად დაიწყო – ისინი ერთმანეთს წერილებსა და იმეილებს უგზავნიდნენ, თუმცა მალე ორივემ გააცნობიერა, რომ მათ შორის კავშირი ბევრად მეტი იყო.

პირველი პაემანი და სწრაფად განვითარებული სიყვარული

რამდენიმე თვიანი მიმოწერის შემდეგ, 2013 წლის ოქტომბერში, წყვილმა პირველი ოფიციალური პაემანი ლონდონში გამართა. პაპარაცებმა ისინი რესტორნიდან გამოსვლისას დააფიქსირეს – სწორედ მაშინ დაიწყო ჰოლივუდის ახალი სიყვარულის ისტორიის საჯარო ეტაპი.

იმავე წლის ბოლოს კლუნიმ და ამალმა შობა ერთად, მექსიკაში აღნიშნეს, ხოლო 2014 წლის დასაწყისში აფრიკაში მოგზაურობამ მსახიობს საბოლოოდ დაარწმუნა, რომ ამალი მისი ცხოვრების სიყვარული იყო.

რომანტიკული ნიშნობა

2014 წლის 28 აპრილს ჯორჯ კლუნიმ ამალს ხელი სთხოვა. ყველაფერი სახლში, მშვიდ საღამოს მოხდა — მსახიობმა ვახშამი თავად მოამზადა და ბეჭედი სანთებელას ყუთში დამალა.

ამალის ნიშნობის ბეჭედი დაახლოებით 7 კარატიანი ზურმუხტის ჭრის ბრილიანტით იყო შექმნილი და მალევე გახდა ერთ-ერთი ყველაზე განხილული სელებრითის ნიშნობის ბეჭედი.

ვენეციური ზღაპარი – საუკუნის ქორწილი

2014 წლის სექტემბერში წყვილმა ვენეციაში ოთხდღიანი გრანდიოზული ქორწილი გადაიხადა. მიუხედავად იმისა, რომ ცერემონია თავდაპირველად საიდუმლოდ იგეგმებოდა, ინფორმაცია მალევე გავრცელდა და ქალაქი პაპარაცებითა და გულშემატკივრებით აივსო.

ქორწილი გაიმართა Aman Venice-ის ლუქს სასტუმროში. ამალს ეცვა Oscar de la Renta-ს მაქმანებიანი საქორწინო კაბა, ხოლო ჯორჯმა აირჩია Giorgio Armani-ის კლასიკური სმოკინგი. სტუმრებს ხუთკერძიანი ვახშამი და მრავალდღიანი წვეულებები ელოდათ

ქორწილი სწრაფად იქცა ერთ-ერთ ყველაზე შთამბეჭდავ სელებრითი ქორწილად თანამედროვე ჰოლივუდის ისტორიაში.

კარიერა, ოჯახი და საერთო მისია

ქორწილის შემდეგ კლუნებმა კარიერული წარმატება და საერთო სოციალური საქმიანობა გააერთიანეს. 2016 წელს მათ დააარსეს Clooney Foundation for Justice, რომელიც ადამიანის უფლებების დაცვასა და სამართლებრივი მხარდაჭერის პროექტებზე მუშაობს მთელ მსოფლიოში.

ფონდის ფარგლებში:

• აშენდა სკოლები სირიელი ლტოლვილებისთვის,
• მხარდაჭერა გაეწია უკრაინის მოქალაქეებს,
• დაფინანსდა ორგანიზაციები, რომლებიც სიძულვილის ჯგუფებს ებრძვიან.

მშობლობა – ახალი ეტაპი ცხოვრებაში

2017 წელს წყვილს ტყუპები – ელა და ალექსანდერი შეეძინათ. კლუნები შვილების პირად ცხოვრებას საჯარო სივრცისგან მაქსიმალურად იცავენ და მათი ფოტოები იშვიათად ვრცელდება.

მსახიობის თქმით, მამობამ მთლიანად შეცვალა მისი ცხოვრება:
„ვერც კი წარმოვიდგენდი, რამდენად ცარიელი იყო ჩემი ცხოვრება ამალის გაცნობამდე,“ — აღნიშნა კლუნიმ ერთ-ერთ ინტერვიუში.

წლების განმავლობაში ჯორჯ და ამალ კლუნები წითელ ხალიჩაზე, საერთაშორისო ღონისძიებებსა და საქველმოქმედო პროექტებში ერთად ჩნდებიან. 2022 წელს მათ ერთობლივი საქმიანობისთვის Catalyst Award მიიღეს, ხოლო ამალი კვლავ აგრძელებს მუშაობას ადამიანის უფლებების საერთაშორისო საქმეებზე.

2025 წელს ამალმა აღნიშნა, რომ მათი ურთიერთობის მთავარი საიდუმლო ერთმანეთის პროფესიული მხარდაჭერაა – წყვილი ცდილობს კარიერა და ოჯახი თანაბრად გაანაწილოს. დღეს კლუნები ცხოვრებას იტალიას, საფრანგეთსა და ლონდონს შორის ანაწილებენ, ხოლო მათი ლეიკ კომოს სახლი მათთვის „ოჯახური ოაზისია“.