ადვოკატის თქმით, გვარამია ადმინისტრაციული ბრალდებით დააკავეს

ნიკა გვარამიას ადვოკატის, დიტო საძაგლიშვილის განცხადებით, იგი დაკავებულია ადმინისტრაციული სამართალდარღვევის ბრალდებით — წვრილმანი ხულიგნობა და პოლიციისადმი დაუმორჩილებლობა.

გარდა ამისა, საძაგლიშვილი ამბობს, რომ გვარამიას დაკავებისას მუცლის არეში ურტყამდნენ.

„მუცლის არეში ურტყამდნენ, რა დროსაც სუნთქვის უკმარისობის გამო რამდენიმე წამით გაითიშა… ფიქრობს, რომ მშვიდად და მტკიცედ უნდა გაგრძელდეს პროტესტი – არ იქნება თვითონ, იქნება სხვა ლიდერი“, — განაცხადა ადვოკატმა „მთავარ არხთან“ საუბარში.