radiotavisupleba ახალი ამბები 
12 აგვისტოს, საღამოს საათებში გურიაში, გომისმთის გზაზე ავარია მოუვიდა მიკროავტობუსს, რომელსაც ტურისტები გადაჰყავდა. არის მსხვერპლი.
ტვ პირველის ცნობით, მიკროავტობუსი ხრამში გადავარდა.
შინაგან საქმეთა სამინისტროს პრესცენტრში რადიო თავისუფლებას 22:40 საათისთვის დაუდასტურეს ავტოსაგზაო შემთხვევის შედეგად ოთხი ადამიანის გარდაცვალება.
არიან დაშავებულებიც.
სამაშველო ოპერაცია ამ წუთებშიც მიმდინარეობს.
შსს-ში ადასტურებენ, რომ ავტომობილში მხოლოდ უცხო ქვეყნის მოქალაქეები იმყოფებოდნენ. „ტვ პირველის“ ცნობით, ისინი ბელარუსები იყვნენ.
გამოძიება დაიწყო სისხლის სამართლის კოდექსის 276-ე მუხლით, - რაც ტრანსპორტის მოძრაობის უსაფრთხოების წესების დარღვევას გულისხმობს.
