ამას ჰქვია დაუნახავობა - მერამდენე იყო ნაპოლიში ხვიჩა ხელფასის სიდიდის სახით

99%-ით ვიცით, რომ ხვიჩა კვარაცხელია დღეს პარიზში გაფრინდება, პარი სენ-ჟერმენთან 5-წლიან ხელშეკრულებას გააფორმებს და კლუბიც მის ტრანსფერს ოფიციალურად გამოაცხადებს.

იმ ადამიანებისთვის, რომლებსაც დღემდე უკვირთ თუ რატომ მიიღო ხვიჩამ ეს გადაწყვეტილება, ალბათ, ერთი კონკრეტული ფაქტი მათ კითხვებს ბოლომდე გააქრობს.

როგორც იცით, ქართველმა ნაპოლიში 2.5 სეზონი გაატარა, აქედან ერთში სკუდეტო მოიგო და ტურნირის საუკეთესოც გახდა, რაც მის ხელფასზე არასდროს ასახულა.

2022/23 სეზონი: მე-18 ადგილი
2023/24 სეზონი: მე-18 ადგილი
2024/25 სეზონი: მე-14 ადგილი

ეს ნუმერაცია ხელფასის სიდიდის მიხედვითაა მითითებული. მიუხედავად იმისა, რომ კვარაცხელიამ მთელი მსოფლიო აალაპარაკა, ამ დროის განმავლობაში მასზე მეტს ლამის მთელი ნაპოლი იღებდა, რამაც ლოგიკური უკმაყოფილება გააჩინა და ფეხბურთელს წასვლის გადაწყვეტილება მიაღებინა.