„ამაში ფული გაქვთ აღებული“ – რა უთხრა ნუცა ბუზალაძემ სცენიდან აქციის მონაწილეებს, რომლებიც „სირცხვილოს“ სკანდირებდნენ?

ბათუმში, ევროპის მოედანზე საახალწლო კონცერტი გაიმართა, რომელიც მერიის ორგანიზებული იყო. სცენაზე გამოსულ ნუცა ბუზალაძეს  საპროტესტო აქციის მონაწილეები პლაკატებით დახვდნენ და თან სკანდირებდნენ – „სირცხვილო, სირცხვილო“.

ამაზე პასუხცად, ნუცა ბუზალაძემ სცენიდან განაცხადა:

„ყოჩაღ, ძაან მომწონს თქვენი გამოსვლა. ბრაო ამისთვის. სირცხვილოს თუ ეძახით იმ ადამიანს, რომელიც ბავშვობიდან თქვენს სახელს წარმოადგენს, თან ძალიან მაგრად, სირცხვილო თქვენ! და თუ გგონიათ, რომ ამით ჩემს კონცერტს დღეს ჩაშლით და ახალ წელს წაგვართმევთ, ძალიან ცდებით. ასე რომ, თქვენ დღეს მე ყურადღებას არ მოგაქცევთ, თქვენ ამაში ფული გაქვთ აღებული, შეგარგოთ“ – უთხრა მან პროტესტის მონაწილეებს.