“არ ვწუწუნებ და არც თავს ვაცოდებ ვინმეს… ჩემი შემოსავლის 90% უკავშირდება ჩემს პროფესიას…“- გიორგი სუხიტაშვილი

მომღერალი, გიორგი სუხიტაშვილი სოციალურ ქსელში წერს, რომ ცილსწამებენ თითქოს მოისყიდეს.

“წუწუნს არ დავიწყებ უბრალოდ მოგიყვებით და დასკვნა თქვენ გააკეთეთ.

მთელი 2024 წლის განმავლობაში უამრავი ღონისძიება მქონდა დაგეგმილი, ამ ღონისძიებების 60-70% ოქტომბერზე, ნოემბერზე და დეკემბერზე მოდის.
ამ შემოდგომაზე ერთი ხელის თითებიც ზედმეტია იმის დასათვლელად რამდენი ღონისძიება მქონდა. ჩემი შემოსავლის 90% უკავშირდება ჩემს პროფესიას (ის 10% – ც იმიტომ დავიტოვე ვინმე ინტრიგანმა არ წამომაძახოს სადმე რამე)

დიდი ხანია ვისმენ ცილისწამებას, ვითომ ჩემს მოსაზრებებში მიხდიან, მომისყიდეს და კიდევ 1000 სიგიჟე. მიუხედავად ამ ყველაფრისა მე მჯერა რომ ოდესმე ამ ქვეყანაში ყველას დაუფასდება ის შრომა რაც გაუწევია და რასაც გულმოდგინედ აკეთებს.
ყველამ ის უნდა მიიღოს რასაც იმსახურებს, არც მეტი და არც ნაკლები.

რაც დეკემბერი დაიწყო ვიღებ უამრავ მესიჯს რომ დავეხმარო მრავალ შვილიან ოჯახებს, მძიმე სენით დაავადებულებს, ბავშვებს ვისაც ნაძვის ხე და ტკბილეული არა აქვთ და კიდევ ვინ მოთვლის. ბოდიშს გიხდით ყველას რომ ვერ ან არ გპასუხობთ და რომ გპასუხობთ ხშირად ვილანძღები იმის გამო რომ არ მაქვს. გულწრფელად გეტყვით ეს უბედურება რაც გვჭირს იცით რის და ვის გამოცაა ხო და ეს თქვენი აგრესია მიმართეთ სწორი მიმართულებით! ახლა ისეთი სიტუაციაა განსაკუთებით ჩვენს სფეროში რომ თუ ასე გაგრძელდა აქეთ დასახმარებლები გავხდებით. კიდევ ერთხელ ვამბობ არ ვწუწუნებ და არც თავს ვაცოდებ ვინმეს.

ოპტიმისტი ვარ და ასეთი სიტუაციას ბევრჯერ მქონია (სამწუხაროდ).
p.s. მირჩევნია მშიერი ამომძვრეს სული ვიდრე რუსეთის ტ***ში ვზეიმობდე რამეს.
საქართველო უნდა გადარჩეს!“ – წერს მომღერალი სოციალურ ქსელში.