„არ მითქვამს ის აზრი, რომლის მოწერასაც ცდილობთ“ – ბარამიძეს პატიმრობა შეეფარდა

„ნაციონალური მოძრაობის“ ერთ-ერთ ლიდერს, გიორგი ბარამიძეს აღკვეთის ღონისძიების სახით პატიმრობა შეეფარდა. ამ გადაწყვეტილებით მოსამართლე ეკა ბარბაქაძემ პროკურატურის შუამდგომლობა დააკმაყოფილა. დაცვის მხარის პოზიციაა, რომ ბარამიძეს დანაშაული საერთოდ არ ჩაუდენია.

პროკურატურამ ბარამიძეს ბრალდება „სამშობლოს ღალატის, კერძოდ საბოტაჟის ფაქტზე“ წარუდგინა. საქმე ეხება იაგო ხვიჩიას გადაცემაში გაკეთებულ განცხადებას.

ეს სიტყვა „ხვრეტდნენ“, რა თქმა უნდა იწვევს ასოციაციას და არ უნდა მეთქვა ეს, უფრო ფრთხილი უნდა ვყოფილიყავი, გავიზიარე ეს კრიტიკა, მაგრამ არანაირად არ მითქვამს ის აზრი, რა აზრის მოწერასაც ცდილობთ, იმიტომ, რომ იქ დასაწყისში ვთქვი – ტყვე არ გვყავდა“, – თქვა ბარამიძემ პროცესზე.

სასამართლო პროცესის შემდეგ ადვოკატმა ბექა ბასილაიამ თქვა, რომ „არ შეიძლება არსებობდეს რაციონალური დასაბუთება იმის, რომ გია ბარამიძემ რაიმე დანაშაული ჩაიდინა“.

მასალა განახლდება.