აქტივისტის ათდღიან პატიმრობას მის მიერ „ქართული ოცნების“ დროშის დაწვას უკავშირებენ

თბილისის საქალაქო სასამართლომ აქტივისტ უჩა ქემაშვილს ათდღიანი ადმინისტრაციული პატიმრობა შეუფარდა პოლიციის ბრძანების დაუმორჩილებლობისთვის, თუმცა აქტივისტი და მისი მხარდამჭერები თვლიან, რომ დაპატიმრება პარლამენტის შენობის წინ ქემაშვილის მიერ მმართველი პარტიის დროშის დაწვას უკავშირდება.

ქემაშვილი აქტიურად მონაწილეობს ანტისახელისუფლებო საპროტესტო აქციებში და ხშირად მომიტინგეებს ალუჩას ურიგებს. მას ბრალი ადმინისტრაციულ სამართალდარღვევათა კოდექსის 173-ე მუხლით წარედგინა, რაც პოლიციელის ბრძანების დაუმორჩილებლობას გულისხმობს.

This post is also available in: English