აქციების მონაწილე ნადიმ ხმალაძეს სახლთან ფიზიკურად გაუსწორდნენ

თავდასხმა დაახლოებით 20:30 საათსა და 20:45 საათს შორის მოხდა. მისი თანამოაზრეების ცნობით, მას სამი ადამიანი დახვდა.

ხმალაძეს თავის არეში დაახლოებით 3-4 სმ სიგრძის ჭრილობა აქვს და სისხლი მოსდის.

ამბობს, რომ ზუსტად არ ახსოვს, რა მოხდა - მოულოდნელად დააგდეს და, როგორც ახსოვს, თავში ურტყეს ფეხები.

სასწრაფო დახმარების ექიმი, რომელიც მას ჭრილობას უმუშავებს, ეუბნება: „შეიძლება, რაღაცაც ჩაგარტყეს“.

თავსა და წარბზე დაზიანების გარდა, ხმალაზეს ტუჩიც აქვს გახეთქილი, კბილი - მოტეხილი.

იგი ამ წუთებში [21:10] გადაჰყათ ხეჩინაშვილის სახელობის საუნივერსიტეტო კლინიკაში („მეცხრე საავადმყოფოში“).

ხმალაძე ფეისბუკზე წერს იმასაც, რომ თავდამსხმელებმა სახლის გასაღები წაიღეს.

• ხმალაძე, - რომელიც უკრაინაში იბრძოდა რუსეთის წინააღმდეგ, საქართველოში 2024 წლიდან დაბრუნდა და აქციებში აქტიურად მონაწილეობს.
• ნადიმ ხმალაძე მონაწილეობდა 4 ოქტომბრის აქციაშიც, რომლის გამოც ათობით ადამიანი დააკავეს. ამ საქმესთან დაკავშირებით ის 11 ოქტომბერს შსს-ში გამოჰკითხეს კიდეც

ინფორმაცია განახლდება