აქციის მონაწილეთა მხარდამჭერი სამი ფონდი დააყადაღეს

ნანუკას ფონდი, რომელსაც ჟურნალისტი ნანუკა ჟორჟოლიანი მართავს, Prosperity Georgia, რომელსაც ყოფილი პრემიერ-მინისტრი და ამჟამად ბიზნესმენი ნიკა გილაური ხელმძღვანელობს, და თბილისის ადამიანის უფლებათა სახლი დაყადაღებულია. სამივე ფონდი საპროტესტო აქციების დროს დაჯარიმებულ ან სამოქალაქო აქტივიზმის გამო სამსახურიდან გათავისუფლებულ ადამიანებს ფინანსურ დახმარებას უწევდა.

ნანუკა ჟორჟოლიანმა პირველმა გაავრცელა ინფორმაცია იმის თაობაზე, რომ მისი ფონდი დაყადაღებულია. დანარჩენმა ორმაც დაადასტურა, რომ მათი ანგარიშებიც დაყადაღებულია.  ჟორჟოლიანის თქმით, ბანკში მას უთხრეს, რომ თბილისის საქალაქო სასამართლომ მოითხოვა დაყადაღება დაუყონებლივი მექანიზმით.

ფონდები მხარს უჭერდნენ „ქართული ოცნების“ რეჟიმის წინააღმდეგ მიმდინარე საპროტესტო აქციებს. მათი ფინანსური მხარდაჭერა, უპირველეს ყოვლისა, მოიცავდა მოქალაქეებისთვის სოლიდური ჯარიმების გადახდას, რადგან აქციის უამრავი მონაწილე გზის გადაკეტვის ან სხვა სავარაუდო სამართალდარღვევისთვის 5 000 ლარით დააჯარიმეს.

მასალა განახლდება…

ასევე წაიკითხეთ:

• 23/01/2025 – სსო-ები საქართველოში მომიტინგეების მიმართ ჯარიმების რეპრესიულ გამოყენებას გმობენ

This post is also available in: English (ინგლისური) Русский (რუსული)