აშშ-მა სანქციები დაუწესა თურქეთის ბანკს, ირანისთვის შემოსავლების წყაროთა შეზღუდვის ძალისხმევის ფარგლებში

ეს ნაბიჯი ნაწილია ვაშინგტონის ძალისხმევისა ინტენსიური ზეწოლა განახორციელოს ირანის ეკონომიკაზე.

აშშ-ის ფინანსთა სამინისტრომ 4 სექტემბერს ირანის სანქციების ფარგლებში დაასახელა სტამბოლში განთავსებული Golden Global Yatirim Bankasi Anonim Sirketi და, ასევე Golden Global Portfoy Yonetimi და Golden Global Varlik Kiralama.

ეს სამი უწყება დაემატა აშშ-ის ფინანსთა სამინისტროს მიერ საგანგებოდ შემუშავებულ სიას, რითიც, ფაქტობრივად, მათ გადაეჭრათ კავშირი აშშ-ის ფინანსურ სისტემასთან. სამინისტრომ ასევე გამოაქვეყნა ზოგადი ლიცენზია, რომლითაც ამ უწყებებთან ტრანსაქციები უნდა შემცირდეს.

აშშ-ის ფინანსთა მინისტრის, სკოტ ბესენტის თქმით, ვაშინგტონის მიერ ირანის ეკონომიკის წინააღმდეგ გატარებული ახალი და ინტენსიური კამპანიის სამიზნეებია ფინანსური ინსტიტუტები და სხვა არხები, რომლებიც ირანს ეხმარებიან მოგების მიღებასა და გადაადგილებაში.