ახალაია 4 ოქტომბრის აქციაზე: ძალიან მრცხვენია, რომ არაფერში არ ვიყავი ჩართული

ერთი წუთის წინ გავიგე გზაში, რომ ხმის ნიმუშზე დამიბარეს, არც უთქვამთ რაზე დამიბარეს, მითხრეს რომ ოთხი ოქტომბრის ძალადობის საქმესთან დაკავშირებით. რაც შეეხება ხმის ნიმუშს, ათასი პროცენტით ფალსიფიცირებული, არათუ სიტყვა ბგერა არ არის ჩემი, მერე ვისაც აინტერესებს მინდა გითხრათ, არასდროს მიკადრებია ბატონი პაატასთვის, პაატათი მიმართვა და ამ სტილით, ჩემი უფროსი მეგობარია და ყოველთვის მოკრძალებით, მამაჩემის ტოლია და საერთოდ სხვა სახის ურთიერთობა გვაქ, ვიდრე იქ ჩანს.

(…) ძალიან მრცხვენია და ძალიან მიტყდება, რომ არაფერში არ ვიყავი ჩართული, სამწუხაროდ, ძალიან მრცხვენია, რომ ეს ხალხი ახლა ზის და მე უბრალოდ სამზარეულოდან ვადევნებდი ამას თვალს, სამწუხაროა.

მეორე მხრივ, ცოტა საღი აზრის ფარგლებშიც თუ აზროვნებენ ადამიანები, უნდა ესმოდეთ, ვისი არის მანდ ორგანიზება, ბატონი პაატა ბურჭულაძის და ლევან ხაბეიშვილის მოწოდებას სჭირდებოდა ვინმეს ორგანიზება? თვალით ვერ ხედავენ სად ცხოვრობენ? ბატონი პაატას მოსაზრების ფორმირებას, ხაბეიშვილის მოსაზრების ფორმირებას, მურთაზ ზოდელავას მოსაზრების ფორმირებას სჭირდებოდა ვინმეს ორგანიზება? თუ რავიცი მიტინგზე ხალხის მოსვლას შეატყო ვინმემ ორგანიზება ან შემდეგ ნებისმიერ ნაბიჯს.

ჩემი აზრით, აქ საუბარია ერთ ძალიან მარტივ რამეზე, რეჟიმს უბრალოდ არ უნდა დაინახოს მარტივი ჭეშმარიტება, რომ საქართველოში არსებობენ პატრიოტი ადამიანები, ისეთები, როგორიც არის ბატონი პაატა, მურთაზი, ლევანი, სხვები, რომლებსაც არ სჭირდებათ იმისთვის, რომ სამოქალაქო მშვიდობიანი აჯანყება მოაწყონ ვინმეს კარნახი, ვინმეს რაიმე სახით ორგანიზება ან რამე, როგორც თქვენ ნახეთ, ისე ვხედავდი მე.

თქვა თავდაცვის ყოფილმა მინისტრმა, ბაჩო ახალაიამ ჟურნალისტებთან საუბრისას.

შსს-ს ცნობით, ბაჩო ახალაია ცენტრალური კრიმინალური პოლიციის დეპარტამენტში მოწმის სახით გამოკითხვისა და ხმის ნიმუშის აღების მიზნით არის დაბარებული.