1 hour ago
1
საქართველოს მართლმადიდებელი ეკლესია 11 მაისს, 13:00 საათზე, თბილისში, ყოვლადწმინდა სამების სახელობის საპატრიარქო ტაძარში, ახალი პატრიარქის ასარჩევად გაფართოებულ კრებას გამართავს, განაცხადა საპატრიარქომ 7 მაისს.
გაფართოებული საეკლესიო კრებაზე, რომელიც, სავარაუდოდ, ასობით მონაწილეს მოიზიდავს როგორც საერო, ასევე სასულიერო წრეებიდან, 39 წევრისგან შემდგარი წმინდა სინოდი ილია II-ის მემკვიდრეს აირჩევს.
სინოდმა 28 აპრილს გამართულ სხდომაზე სამი კანდიდატი შეარჩია, მათ შორის საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი), ურბნისისა და რუისის ეპარქიის მიტროპოლიტი იობი (აქიაშვილი) და ფოთისა და ხობის მიტროპოლიტი გრიგოლი (ბერბიჭაშვილი).
კენჭისყრის დროს მიტროპოლიტმა შიომ 20 ხმა მიიღო; მიტროპოლიტმა იობმა და მიტროპოლიტმა გრიგოლმა 7-7 ხმა მიიღეს. პატრიარქად ირჩევა კანდიდატი, რომელიც ხმების 50%-ზე მეტს მიიღებს. თუ ვერცერთი კანდიდატი ვერ დააგროვებს საჭირო უმრავლესობას, მეორე ტური გაიმართება.
საპატრიარქომ განაცხადა, რომ კრებასთან დაკავშირებული საორგანიზაციო-ტექნიკური დეტალები მოგვიანებით გახდება ცნობილი. ახალი პატრიარქის არჩევის საბოლოო ვადად 17 მაისი განისაზღვრა.
This post is also available in:
English (US) · 
Georgian (GE) ·