ახალი შანსი ანსუმანეს - ფატი იჯარის წესით ფრანგულ "მონაკოში" ითამაშებს

ანსუ ფატის კარიერის ახალი ეტაპი იწყება საფრანგეთში — ესპანელი ვარსკვლავი იჯარის წესით გადავიდა "მონაკოში", სადაც 2024/25 წლების სეზონს გაატარებს. ტრანსფერი უკვე ოფიციალურად დადასტურდა.

"მონაკომ" იჯარის სანაცვლოდ "ბარსელონას" 11 მილიონი ევრო გადაუხადა, რაც მაღალი ფასია ერთი სეზონისთვის. აღსანიშნავია, რომ შეთანხმებას შეიცავს გამოსყიდვის უფლებაც, რაც იმას ნიშნავს, რომ მონაკოს სურვილის შემთხვევაში, კლუბს შეუძლია ფატი სრულფასოვნად დაიმატოს.

ანსუ ფატიმ ფრანგულ კლუბში 31-ნომრიანი მაისური აირჩია.

ის "ბარსელონას" აკადემიის აღზრდილია და პირველ გუნდში დებიუტი 2020 წელს ჰქონდა. მას შემდეგ 21 წლის შემტევმა კატალონიური გუნდის მაისურით 123 მატჩი ჩაატარა, გაიტანა 29 გოლი და შეასრულა 8 საგოლე გადაცემა.

წინა სეზონი ანსუმ ასევე იჯარით გაატარა ინგლისურ "ბრაიტონში", თუმცა ტრავმებისა და არასტაბილური სათამაშო დროის გამო ის ბოლომდე ვერ გაიბრწყინა.

ახლა კი "მონაკოში" ახალი შანსი ეძლევა, რომ კარიერაში სტაბილურობა იპოვოს და კიდევ ერთხელ დაადასტუროს, რომ დიდ ფეხბურთში დაბრუნებისთვის საჭირო პოტენციალი ისევ აქვს.