1 day ago
2
ინდონეზია ოფიციალურად გახდა BRICS-ის წევრი - ეკონომიკური ბლოკის, რომელიც 2009 წელს შექმნეს რუსეთმა, ბრაზილიამ, ინდოეთმა და ჩინეთმა. ეს განცხადება 6 იანვარს გააკეთა ბრაზილიის მთავრობამ - მიმდინარე წელს ბრაზილიაა BRICS-ის მორიგე თავმჯდომარე სახელმწიფო.
BRICS-ში გაწევრიანების მზადყოფნა ჯაკარტამ ოქტომბერში გამოთქვა, რუსეთში, ყაზანში გამართულ სამიტზე. მოსახლეობის რიცხოვნობის მხრივ ინდონეზია მსოფლიოში მეოთხე ქვეყანაა, მაგრამ მისი ეკონომიკა ამჟამად უმსხვილესი ეკონომიკების ათეულშიც არ შედის.
ინდონეზია სამხრეთ-აღმოსავლეთ აზიის პირველი სახელმწიფოა, რომელმაც ორგანიზაციაში სრული წევრის სტატუსი მიიღო. იანვრიდან BRICS-ის პარტნიორები გახდნენ მალაიზია და ტაილანდი, უწინ ვრცელდებოდა ინფორმაცია, რომ ინდონეზიაც ამ სტატუსს მიიღებდა.
ჯაკარტას ოფიციალური განცხადება ჯერჯერობით არ გაუკეთებია.
English (US) · 
Georgian (GE) ·