საერთაშორისო ურთიერთობების სპეციალისტს, გია ჯაფარიძეს გუშინ, საკუთარ საცხოვრებელ სახლთან თავს დაესხნენ და ფიზიკურად გაუსწორდნენ.
მიმდინარე ფაქტზე, კლინიკაში მისვლისას ჟურნალისტებთან პირველი კომენტარი გააკეთა:
,,რაც ხდება ქვეყანაში, ის მოხდა – რუსები დაგვესხნენ თავს.
[ჟურნალისტის შეკითხვა]: რამდენი კაცი იყო და სად მოხდა?
2 ნამდვილად მახსოვს, შეილება 3, შეიძლება მეტიც… სახლთან, სადარბაზოში.
[ჟურნალისტის შეკითხვა] რა გითხრეს? რატომ გაგისწორდნენ ფიზიკურად?
არაფერი, პირდაპირ ცემა დაიწყეს, უფრო სწორად რაღაც ჯოხები ეკავათ.
[ჟურნალისტის შეკითხვა] რას გეუბნებოდნენ?
,,რატომ ვეწინააღმდეგები ,,რუსულ კანონს?!” – ამას ამბობდნენ.
[ჟურნალისტის შეკითხვა]: იდენტიფიცირება თუ მოახდინეთ?
როგორ უნდა მოეხდინა – არა, ვერაფერი, სიბნელე იყო.
[ჟურნალისტის შეკითხვა]: პოლიციას თუ მიმართეთ?
კი მივმართე პოლიციას ინფორმირებულია.
[ჟურნალისტის შეკითხვა]: ჯოხები გირტყეს?
ხო, ბეისბოლის ბიტებივით რაღაცა“, – განაცხადა გია ჯაფარიძემ.
ავტორი
ნინი ხიჯაკაძე