გიორგი ვაშაძე, ელენე ხოშტარია, ნიკა გვარამია სამუშაო ვიზიტით ბრიტანეთში იმყოფებიან

“სტრატეგია აღმაშენებლის” მედიასთან და საზოგადოებასთან ურთიერთობის სამსახურის ინფორმაციით, საპარლამენტო არჩევნებში გამარჯვებული კოალიციების ლიდერები – გიორგი ვაშაძე, ელენე ხოშტარია, ნიკა გვარამია სამუშაო ვიზიტით ბრიტანეთში იმყოფებიან, სადაც დაგეგმილია კონკრეტული აქტივობები, კერძოდ:

• შეხვედრებს მართავენ ყველა პარტიის წარმომადგენლებთან – ლეიბორისტებთან, კონსერვატორებთან და ლიბერალ-დემოკრატებთან.
• შეხვედრები დაიწყო დღეს და გაიმართება როგორც ლორდთა, ასევე თემთა პალატაში.
• დაგეგმილია შეხვედრები ქართული დიასპორის წარმომადგენლებთან და ექსპერტულ წრეებთან.
• მთავარი თემებია საქართველოს მხარდაჭერა, ქვეყანაში არსებული პოლიტიკური ვითარების გაზიარება და ბრიტანეთის აქტიური ჩართვა საქართველოს საკითხებში.
• განსაკუთრებული ყურადღება ეთმობა დამნაშავეთა სანქცირების საკითხს და ახალი არჩევნების დანიშვნის აუცილებლობას.

ავტორი
მარიამ ხაჩირაშვილი