„გირჩი – მეტი თავისუფლების“ წევრი გელა ხასაია ერთწლიანი პატიმრობის შემდეგ გათავისუფლდა

გელა ხასაია, აქტივისტი და ოპოზიციური პარტიის „გირჩი – მეტი თავისუფლება“ წევრი, 29 სექტემბერს ერთწლიანი პატიმრობის შემდეგ გათავისუფლდა მას შემდეგ, რაც მან მაისში პროკურატურასთან საპროცესო შეთანხმება გააფორმა.

ხასაია 2025 წლის 29 სექტემბერს, 1 სექტემბერს მომხდარ ინციდენტთან დაკავშირებით, დააკავეს. პროკურატურის მტკიცებით, მან და კიდევ ერთმა ბრალდებულმა ჯანმრთელობის სხვადასხვა სახის დაზიანებები მიაყენეს პირს.

თავდაპირველად, შინაგან საქმეთა სამინისტრომ განაცხადა, რომ დაკავებულებს ბრალი „ჯანმრთელობის განზრახ მსუბუქი დაზიანების“ მუხლით წაუყენეს. მოგვიანებით პროკურატურამ ბრალდება გადააკვალიფიცირა და საქმეს უფრო მძიმე კვალიფიკაცია „ჯანმრთელობის განზრახ ნაკლებად მძიმე დაზიანება“ (მუხლი 118-2) მიანიჭა, რასაც ჯგუფური ქმედების ნაწილიც დაემატა. აღნიშნული დანაშაული ოთხიდან ექვს წლამდე პატიმრობას ითვალისწინებს.

This post is also available in: