დაკავებული ჟურნალისტის, მირიან ბერულავას, სახლი გაჩხრიკეს

დაკავებული ჟურნალისტის მირიან ბერულავას სახლში ჩხრეკა ჩატარდა. ინფორმაციას ამის შესახებ დაკავებული ჟურნალისტის და აქტივისტის ადვოკატი ვალერი თევდორაძე ავრცელებს. მისი თქმით, ჩხრეკა იმერეთის სამხარეო პოლიციამ ჩაატარა.

“მირიანის მშობლები დამიკავშირდნენ და მითხრეს რომ მათთან სახლში ჩხრეკა ჩაატარა სამხარეო პოლიციამ. ამოიღეს და წაიღეს მირიანის ძველი ტელეფონი და გადამყვანი,” – ამბობს ადვოკატი ვალერი თევდორაძე.

მირიან ბერულავას გამოძიება, 173-ე მუხლს ედავება, რაც სამსახურებრივი მოვალეობის შესრულების დროს, სამართალდამცავი ორგანოს თანამშრომლის და სხვა შესაბამისი სახელმწიფო ორგანოს წარმომადგენლის კანონიერი განკარგულებისადმი ან მოთხოვნისადმი დაუმორჩილებლობას გულისხმობს.