დებიუტი ახლოვდება - როდის ითამაშებს ზივზივაძე ბუნდესლიგაში პირველად?

მას შემდეგ, რაც ბუდუ ზივზივაძე "ჰაიდენჰაიმში" გადავიდა, საინტერესოა თუ როდის შედგება ქართველის დებიუტი ბუნდესლიგის კლუბში.

მე-16 ტურში, რომელიც 11 იანვარს გაიმართება, ბუდუს ახალი კლუბი შინ "უნიონს" უმასპინძლებს. მატჩი 18:30 საათზე დაიწყება.

უდიდესი ალბათობით, სწორედ ამ მატჩში შედგება ბუდუ ზივზივაძის ბუნდესლიგური დებიუტი.

ცნობისთვის, ქართველი თავდამსხმელი მეათე ჩვენებურია, რომელიც ბუნდესლიგის გათამაშებაში მონაწილეობას მიიღებს.