civil ახალი ამბები 
ქართველმა ბიზნესმენმა და პარლამენტის წევრმა, პარტია „ხალხის ძალის“ წარმომადგენელმა ვიქტორ ჯაფარიძემ სახელისუფლებო არხ POSTV-ში საკუთარი 52%-იანი წილი გაყიდა. ეს მას შემდეგ მოხდა, რაც დიდი ბრიტანეთის მთავრობამ არხს, სავარაუდოდ, „რუსულ დეზინფორმაციაში“ მონაწილეობის გამო, სანქციები დაუწესა.
საჯარო რეესტრის მონაცემების თანახმად, წილი გიორგი შენგელიამ შეიძინა, რომელიც ბოლო თვეების განმავლობაში ჯაფარიძის წილებს მართავდა. შენგელია ასევე ფლობს კომპანია „POSTV-ის მხარდამჭერების“ სრულ წილს. აღნიშნული კომპანია 25 თებერვალს დარეგისტრირდა, დიდი ბრიტანეთის მიერ POSTV-ის დასანქცირებიდან მეორე დღეს. ამ ფაქტმა მაშინვე გააჩინა ეჭვი, რომ კომპანია სწორედ იმ მიზნით შეიქმნა, რათა არხს სანქციების გვერდის ავლით საქმიანობის გაგრძელებაში დახმარებოდა.
მედიის ინფორმაციით, ჯაფარიძემ თავისი წილი 1 000 ლარად გაყიდა.
გაყიდვის შემდეგ, POSTV-ის მფლობელობა სამ აქციონერს შორის ნაწილდება: გიორგი შენგელია 52%-ის მფლობელია, შალვა რამიშვილი 24%-ს, ხოლო თემურ ჩარელიშვილი 24%-ს ფლობენ.
59 წლის პოლიტიკოსმა, ვიქტორ ჯაფარიძემ, POSTV-ში საკონტროლო პაკეტი 2022 წელს შეიძინა. იმავე წელს მან „ქართული ოცნება“ დატოვა და მმართველი პარტიის ყოფილი დეპუტატების მიერ შექმნილ „ხალხის ძალას“ შეუერთდა.
This post is also available in:
