დინამო თბილისის ახალი მწვრთნელი ვლადიმერ კაკაშვილი იქნება

დინამო თბილისის ახალი მწვრთნელი ვლადიმერ კაკაშვილი იქნება - ინფორმაციას ამის თაობაზე Geo Team ავრცელებს.

წყაროს თქმით, დინამო თბილისის პრეზიდენტ რომან ფიფიასა და ვლადიმერ კაკაშვილს შორის მეორე შეხვედრა რამდენიმე საათის წინ შედგა. მხარეები სიტყვიერად შეთანხმდნენ.

როგორც ჩვენთვის ცნობილია, 44 წლის მწვრთნელი დინამო თბილისთან კონტრაქტს რამდენიმე დღეში გააფორმებს.

ვლადიმერ კაკაშვილი დინამო თბილისის აკადემიაში წლების განმავლობაში მუშაობდა. მიმდინარე წლის ეროვნული ლიგის მეორე წრიდან კი სამტრედიაში იმუშავა.