ელენე ხოშტარია სასამართლოს მიერ შეფარდებული გირაოს გადახდაზე უარს აცხადებს

თბილისის საქალაქო სასამართლომ 17 სექტემბერს ოპოზიციონერ პოლიტიკოს ელენე ხოშტარიას 5 000 ლარის ოდენობის გირაო შეუფარდა და 20-დღიანი ვადა მისცა მის გადასახდელად. თუმცა, სასამართლო სხდომაზე დასწრებაზე უარის თქმისა და პროტესტის ნიშნად სამართლებრივი დაცვის შეთავაზებაზე უარის თქმის შემდეგ, ხოშტარია ახლა გირაოს გადახდაზე ამბობს უარს და სხვებსაც მოუწოდებს ეს არ გააკეთონ.

„გირაოს გადახდა და ამით გამოსვლა არ არის თავისუფლებაზე გამოსვლა, ეს არის ციხის კარის გაღებისთვის ხარკი, რომელსაც, რა თქმა უნდა, არ გადავიხდი. იმიტომ კი არა, რომ თავმოყვარეობას შემილახავს, იმიტომ, რომ ვერანაირი ბრძოლისთვის ვერ მოგიწოდებთ და ვერც ვიქნები ტყუილში და ფარსში მონაწილეობის გზით. ჩემი პატიმრობა უკანონოა ისევე, როგორც უამრავი თავისუფალი ადამიანის. ოღონდ, პატიმრობა არ არის ბრძოლის გაჩერება, ამას ნამდვილად გპირდებით“, – წერს ელენე ხოშტარია პატიმრობის დროს გავრცელებულ წერილში.

This post is also available in: English